28 студзеня 2026 года адбылася анлайн-сустрэча паміж Дачжоўскім прафесійна-тэхнічным каледжам (КНР) і Палескім дзяржаўным універсітэтам (Рэспубліка Беларусь). Сустрэча стала важным крокам на шляху да ўмацавання міжнародных сувязей і развіцця плённага партнёрства паміж установамі адукацыі. Сустрэчу адкрылі прывітальныя прамовы кіраўнікоў. Яо Юань, рэктар Дачжоўскага прафесійна-тэхнічнага каледжа, прадставіў інфармацыю аб сваёй навучальнай установе.
Рэктар ПалесДУ Дунай Валерый Іванавіч прадставіў універсітэт, расказаўшы пра яго дасягненні, адукацыйныя магчымасці і навукова-даследчы патэнцыял.
Удзельнікі з боку ПалесДУ:
Дунай Валерый Іванавіч, рэктар Палескага дзяржаўнага ўніверсітэта;
Прыгодзіч Ірына Аляксандраўна, прарэктар па вучэбнай рабоце;
Аксёнчык Наталля Уладзіміраўна, начальнік аддзела міжнародных сувязей.
Удзельнікі з боку Дачжоўскага прафесійна-тэхнічнага каледжа:
Яо Юань - рэктар;
Чэн Жофэн - старшыня прафсаюза;
Чжан Чжывэй - дырэктар аддзела навукі і сацыяльнага абслугоўвання;
жан Гуан'юн - дырэктар адміністрацыйна-канцылярскага офіса;
Ху Ганна - дырэктар фінансава-планавага аддзела;
Ма Чэнлін - дырэктар аддзела прыёму і працаўладкавання;
Чжан Сяалін - дэкан Клінічнага інстытута / факультэта; Ай Шуй - сакратар партыйнай арганізацыі Клінічнага інстытута.
Асноўная частка сустрэчы была прысвечана вызначэнню канкрэтных напрамкаў міжвузаўскага супрацоўніцтва, бакі абмяняліся думкамі аб патрабаваннях і чаканнях ад будучага партнёрства. Былі абазначаны патэнцыяльныя напрамкі сумеснай дзейнасці, накіраваныя на ўзаемную выгаду і развіццё абедзвюх арганізацый. Сустрэча завяршылася на пазітыўнай ноце, пацвердзіўшы ўзаемнае імкненне да ўмацавання супрацоўніцтва і падрыхтоўкі да падпісання важных дакументаў, якія адкрыюць новы раздзел у гісторыі партнёрства паміж Дачжоўскім прафесійна-тэхнічным каледжам і Палескім дзяржаўным універсітэтам.
- Войдите, чтобы оставлять комментарии
