Навiны бібліятэкi

З 23 па 27 мая 2022 года ў Фундаментальнай бібліятэцы БДУ прайшла стажыроўка бібліятэкараў вышэйшых навучальных устаноў Брэсцкай вобласці, у якой ад Палескага дзяржаўнага ўніверсітэта прынялі ўдзел загадчык бібліятэкі Буйніцкая Святлана Валер'еўна і вядучы бібліятэкар Кучынская Ала Карнееўна. Такая стажыроўка была арганізавана ўпершыню Фундаментальнай бібліятэкай БДУ (ФБ БДУ), якая з'яўляецца метадычным і каардынацыйным цэнтрам для бібліятэк ВНУ Беларусі. Ініцыятарам і кіраўніком стажыроўка выступіла намеснік дырэктара па новых тэхналогіях ФБ БДУ Мая Уладзіміраўна Сянько.

Працэс навучання ў ВНУ з кожным годам становіцца ўсё больш дынамічным. Гэта абумоўлена пастаянным развіццём і ўдасканаленнем сістэм атрымання і абагульнення інфармацыі за кошт з'яўлення электронных інфармацыйных рэсурсаў, але друкаваныя выданні не здаюць свае пазіцыі і па-ранейшаму запатрабаваны ў навучанні нашых студэнтаў.

У Палескім дзяржаўным універсітэце выкладчыкі актыўна супрацоўнічаюць з бібліятэкай, праводзяць куратарскія гадзіны ў чытальнай зале, дзе падбіраюць і паказваюць студэнтам перыёдыку, што выпісваецца ўніверсітэтам, навучальныя дапаможнікі па дысцыплінах спецыяльнасці. Такія мерапрыемствы атрымліваюць жывы водгук у студэнцкай аўдыторыі, уносяць разнастайнасць у навучальны працэс, стымулююць да самаадукацыі.

У рамках навуковага даследавання наведаў кніжную выставу “Фізіятэрапія. Курарталогія. Масаж", якая экспануецца на абанеменце вучэбнай літаратуры (навучальны корпус № 3, аўд. 3214). Быў прыемна здзіўлены падборкай літаратуры па дадзенай тэматыцы. Пераважная большасць інфармацыйных крыніц - гэта выданні апошніх 5 гадоў. Разнастайнасць тэм, іх сартаванне па актуальных пытаннях медыцыны далі магчымасць знайсці матэрыял па даследаванні, дазволіла хутка і эфектыўна прапрацаваць сучасныя аспекты і кірункі ў вобласці курорталогіі і аднаўленчага лячэння.

Да Сусветнага дня без тытуню, які адзначаецца 31 мая, на абанеменце вучэбнай літаратуры (аўд. 3214) падрыхтавана выстава-папярэджанне «Табакокурение и его последствия». На ёй прадстаўлены кнігі, часопісы і артыкулы з перыядычных выданняў аб шкодзе курэння і спосабах адмовы ад шкоднай звычкі. Гэты дзень быў устаноўлены ў 1987 годзе Сусветнай арганізацыяй аховы здароўя (СААЗ) для прыцягнення глабальнай ўвагі да тытунёвай эпідэміі і яе смяротных наступстваў. Сусветны дзень адмовы ад курэння або дзень без тытунёвага дыму адрасаваны да курцоў не толькі дзеля іх уласнага здароўя, а ў роўнай ступені дзеля здароўя іх блізкіх, якія вымушаны знаходзіцца побач з заўзятым курцам, а асабліва дзяцей.

18 траўня – Міжнародны дзень музеяў, прафесійнае свята музейных працаўнікоў, які адзначаецца ва ўсім свеце штогод. Гэта дата з'явілася ў календары з 1977 года, калі на XI генеральнай канферэнцыі Міжнароднай рады музеяў (ICOM) была прынята прапанова расійскай арганізацыі аб заснаванні гэтага культурнага свята. З 1978 года Міжнародны дзень музеяў стаў адзначацца больш як у 150 краінах. У гэты дзень па ўсім свеце цалкам бясплатна адчынены дзверы шматлікіх музеяў, і любы ахвочы можа даставіць сабе радасць, наведаўшы іх. Прынята лічыць, што праз музеі грамадства выказвае свае адносіны да гісторыка-культурнай спадчыны, і з гэтым цяжка не пагадзіцца.

Запрашаем студэнтаў і выкладчыкаў наведаць кніжную выставу “Фізіятэрапія. Курарталогія. Масаж», якая экспануецца на абанеменце вучэбнай літаратуры (навучальны корпус № 3, аўд. 3214). Выстава прысвечана актуальным пытанням аздараўлення насельніцтва, праблемам фізіятэрапіі, выкарыстанню ў медыцынскай практыцы сучасных тэхналогій дыягностыкі і лячэння хворых. Змест прадстаўленай літаратуры раскрывае сучасныя дасягненні ў галіне фізіятэрапіі, розныя метады курортнай тэрапіі, масажу.

Набліжаецца Дзень Перамогі! Гэты дзень быў марай мільёнаў нашых людзей, надзеяй, якой жылі і дзеля якой паміралі. Напярэдадні свята на абанеменце навуковай і мастацкай літаратуры (навучальны корпус № 3, аўд. 3221) экспануецца кніжная выстава "Маршалы Вялікай Перамогі". Творцам перамогі ў Вялікай Айчыннай вайне быў савецкі народ. Але для рэалізацыі яго намаганняў патрабаваўся высокі ўзровень ваеннага мастацтва Узброеных Сіл, які падтрымліваўся палкаводчым талентам военачальнікаў.

Героі нашай выставы - палкаводцы Вялікай Айчыннай вайны, маршалы Перамогі. Увазе чытачоў прадстаўлены даведачныя выданні, мемуары, мастацкая літаратура, якія расказваюць аб гераічных старонках гісторыі нашай Радзімы, аб ваенных перамогах, аб жыцці і дзейнасці палкаводцаў.

Паважаныя выкладчыкі, супрацоўнікі і студэнты!

Прапануем Вам азнаёміцца з новымі кнігамі, якія паступілі ў бібліятэку ў КРАСАВІКУ 2022 г.

У чытальнай зале бібліятэкі для студэнтаў групы 21 ЛМК-1 прайшоў агляд тэматычнай літаратуры, які ўваходзіць у камплект выданняў “Гістарычная памяць”, прымеркаваных да Года гістарычнай памяці. Выданні, якія ўвайшлі ў камплект, закліканы садзейнічаць развіццю ў падрастаючага пакалення патрыятычных якасцей, прывіццю любові да роднай зямлі, павагі да яе гістарычнага мінулага.

Камплект уключае:

‒ «Памятныя мясціны Беларусі»/ склад.: В. М. Надтачаеў, Д. В. Кашавар;

‒ «99 знакамітых мясцін Беларусі» / склад: Д. В. Кашавар, К. К. Шастоўскі;

‒ «Я памятаю ўсё...» / уклад.: М. Чарняўскі, У. Ліпскі;

‒ «Жывы боль вайны»/ Л. А. Кучарава;

‒ «Сакральны свет традыцый. 99 урокаў народнай культуры»/ Я. Крук, А. Катовіч;