facebook

Рабочая сустрэча прадстаўнікоў ТАА «Тэхнапарк Палессе» і ІФ ПалесДУ з кіраўніцтвам Столінскага раёна

   26 кастрычніка 2020 года ў Столінскім раённым выканаўчым камітэце адбылася рабочая сустрэча прадстаўнікоў ТАА "Тэхнапарк Палессе» і інжынернага факультэта ПалесДУ з кіраўніцтвам горада і раёна.

    Мерапрыемства праходзіла пад кіраўніцтвам намесніка старшыні Несцяровіча М.Ф. і было накіравана на выпрацоўку напрамкаў узаемадзеяння ў галіне стварэння ўмоў, спрыяльных для арганізацыі і развіцця інавацыйных накіраванняў на Століншчыне, а таксама актывізацыі супрацоўніцтва са студэнтамі і выкладчыкамі ПалесДУ.

   Дырэктар навукова-тэхналагічнага парку ТАА «Тэхнапарк Палессе» Козыр А.В. прэзентаваў асноўныя напрамкі дзейнасці суб'екта інавацыйнай інфраструктуры, дасягнутыя вынікі супрацоўніцтва з рэзідэнтамі пры практычным укараненні вынікаў інавацыйнай дзейнасці. Ён акцэнтаваў увагу на перспектывах для Століншчыны ў наладжванні цеснага супрацоўніцтва з інавацыйна-прамысловым кластарам біятэхналогій і зялёнай эканомікі, асобна абгрунтаваў трэнд на стварэнне на яго базе з ПРААН у Беларусі платформы па падтрымцы тэрыторый пацярпелых ад аварыі на ЧАЭС.

    Дэкан інжынернага факультэта Штэпа В.М. расказаў аб напрамках дзейнасці факультэта па ўкараненні канцэпцый «Індустрыі 4.0» у адукацыйны працэс, базавых кафедрах і спецыяльных і зрабіў высновы пра перспектыўнасць сумеснай рэалізацыі студэнцкіх праектаў пры падтрымцы райвыканкама.

   Намеснік дэкана інжынернага факультэта Волкава В.В. прадставіла вынікі навуковых прац у галіне ландшафтнай архітэктуры, што выклікала цікавасць з боку мясцовых уладаў у разрэзе стварэння на Століншчыне экалагічнага парку. Таксама было прапанавана правесці пры падтрымцы ЖКГ конкурс сярод студэнтаў універсітэта спецыяльнасці «Садова-паркавае будаўніцтва» з практычнай рэалізацыяй лепшых работ у ландшафтных кампазіцыях створаных у населеных пунктах рэгіёну.

  Падводзячы вынікі сустрэчы, намеснік старшыні райвыканкама Несцяровіч М.Ф. прапанаваў сістэматызаваць канкрэтныя крокі па супрацоўніцтве і аператыўна іх рэалізоўваць, у тым ліку праект па ўвядзенні тэхналогій VI тэхналагічнага ўкладу ў вытворчасць ААТ «Торфапрадпрыемства Глінка» (члена інавацыйна-прамысловага кластара біятэхналогій і зялёнай эканомікі).