24.11.2023 года на базе УА «Віцебская ордэна «Знак Пашаны» дзяржаўная акадэмія ветэрынарнай медыцыны» прайшло пасяджэнне Савета маладых вучоных пры Міністэрстве адукацыі Рэспублікі Беларусь з удзелам Міністра адукацыі Рэспублікі Беларусь ІВАНЦА Андрэя Іванавіча.
Падчас пасяджэння заслуханы даклад старшыні СМВ пры Міністэрстве адукацыі Рэспублікі Беларусь КІСІЛЕВІЧ Анастасіі Ігараўны аб выніках дзейнасці Савета маладых вучоных за студзень - лістапад 2023 года, а таксама даклады прадстаўнікоў ад кожнай вобласці Рэспублікі Беларусь. З дакладам ад Брэсцкай вобласці выступіў старшыня СМВ ПалесДУ, член СМВ пры Міністэрстве адукацыі Рэспублікі Беларусь ВАРАБ'ЁВА Марыя Міхайлаўна. Яна падрабязна расказала аб узаемадзеянні СМВ Брэсцкай вобласці са школьнікамі, студэнтамі, магістрантамі, аб міжнародным супрацоўніцтве, аб удзеле ў грантах, мерапрыемствах, аб дасягненнях і перспектывах далейшых даследаванняў, а таксама падкрэсліла, што асноўнай задачай СМВ з'яўляецца ўцягненне моладзі ў навуковую дзейнасць, захаванне і прасоўванне традыцый універсітэта, фарміраванне грамадзянскасці, маральнасці, патрыятызму, эстэтычнай і экалагічнай культуры.
У заключэнні пасяджэння, улічваючы вынікі работы СМВ за бягучы перыяд і прапановы маладых вучоных па ўдасканаленні дзейнасці Савета маладых вучоных пры Міністэрстве адукацыі Рэспублікі Беларусь, вызначаны планы і перспектывы далейшай работы, што ўнясе значны ўклад у развіццё навукі ў Рэспубліцы Беларусь.
- Войдите, чтобы оставлять комментарии
