А вы ведаеце, што часопісу "Навука і жыццё" 130 гадоў?

Аўтаматычная факусоўка. Добра гэта ці дрэнна? Пандэмія грыпу. Адкуль яна? Ці небяспечны сотавы тэлефон для здароўя? Хто адкрыў ДНК? Колькі важыць інтэрнэт?  Ці падаюць зоркі з неба? ... Адказы на такія пытанні вы знойдзеце ў розных нумарах навукова-папулярнага часопіса «Навука і жыццё», якому ў кастрычніку 2020 года споўнілася 130 гадоў. З гэтай нагоды ў чытальнай зале бібліятэкі (вучэбны корпус №3, к. 3332) арганізаваны адкрыты прагляд «Аб навуцы даступна - пра жыццё - сур'ёзна», дзе прадстаўлены нумары часопіса з 1982 года выпуску, якія выпісвала бібліятэка
Гэты часопіс-доўгажыхар заснаваны ў 1890 годзе і па праве з'яўляецца найстарэйшым навукова-папулярным часопісам. Кожны яго нумар - гэта маленькая энцыклапедыя, якая прымудраецца змясціць у сябе вялікую колькасць цікавай і карыснай інфармацыі, распавядае нам пра новыя адкрыцці і вынаходствы, пра навукоўцаў мінулага і сучаснасці. Выпуск часопіса не спыняўся нават падчас Вялікай Айчыннай вайны. Гартаючы электронны архіў усіх выпускаў часопіса на афіцыйным сайце https://nkj.ru/, можна прасачыць цікавыя публікацыі. Так, у самым першым нумары часопіса абмяркоўвалася пытанне будаўніцтва маста праз Ламанш. У другім нумары за 1890 год цікавы артыкул аб паравых санях. А з якім хваляваннем чытаеш матэрыялы нумароў, якія выходзілі ў час Вялікай Айчыннай вайны. І, вядома ж, пераможны 1945 год. Тады выйшаў здвоены нумар за май і чэрвень. На тытульным аркушы ўсяго адна фраза «З Перамогай, таварышы!»
У 2017 годзе часопісу прысуджана прэмія «За вернасць навуцы». І сёння «Навука і жыццё» - гэта цікавае, жывое, даступнае чытанне для ўсёй сям'і. У ім асвячаюцца практычна ўсе бакі жыцця грамадства - навука, тэхніка, культура, гісторыя. Акрамя навукова-папулярных артыкулаў у часопісе пастаянна прысутнічаюць такія рубрыкі, як "Ваш вольны час», «Справы хатнія», «Забавы не без карысці», «Свет захапленняў», «Кунсткамера», «Маленькія хітрасці», «Крыжаванка з фрагментамі», «Лінгвістычныя задачы», «Саветы хатняму майстру» і іншыя.
 Часопіс «Навука і жыццё» выдаецца як у друкаваным, так і ў электронным варыянце. На афіцыйным сайце часопіса https://nkj.ru/ адкрыты доступ да архіва выпускаў часопіса за 1890-2020 гг.
Запрашаем вас да займальнага чытання.