Штогод 1 снежня адзначаецца Сусветны дзень барацьбы са СНІДам. ВІЧ/СНІД – адна з самых страшных з'яў нашага часу. Хвароба гэтая не ведае межаў і забірае жыцці ў розных краінах. І змагацца з гэтай страшнай хваробай можна толькі разам, усім сьветам. Вірус не выбірае людзей па сацыяльным становішчы, выяве жыцця і звычкам і можа патрапіць у арганізм любога чалавека. Сімвал Сусветнага дня барацьбы са СНІДам - шаўковая чырвоная стужачка, складзеная ў выглядзе перавернутай літары V пяцелькай. Ва ўсім свеце ён сімвалізуе барацьбу з хваробай; памяць аб тых, каго забрала хваробу; надзею на вынаходства лекаў для поўнага лячэння; салідарнасць з тымі, хто мужна змагаецца з захворваннем, а таксама адказнасць, з якой грамадства павінна падыходзіць да гэтай праблемы.
У рамках Сусветнага дня барацьбы са СНІДам на абанеменце вучэбнай літаратуры (навучальны корпус № 3, аўд. 3214) аформлена кніжна-ілюстрацыйная выстаўка “Моладзь супраць СНІДу”. На выстаўцы прадстаўлена літаратура аб лячэнні і прафілактыцы ВІЧ-інфекцыі, гісторыі захворвання, аб шляхах перадачы віруса, праўдзе і памылках, сіндромах і групах рызыкі, шляхах заражэння і мерах прафілактыкі.
Беражыце сваё здароўе, сябе і сваіх блізкіх!
- Войдите, чтобы оставлять комментарии
