27 лістапада ў чытальнай зале бібліятэкі прайшла літаратурная гадзіна “Так, мы жывем, не забываючыся...”. Мерапрыемства было прысвечана 110-й гадавіне з дня нараджэння паэта, пісьменніка, публіцыста, ваеннага карэспандэнта К.М. Сіманава.
Канстанцін Сіманаў - унікальная фігура ў рускай літаратуры. Ён быў не проста назіральнікам, а непасрэдным удзельнікам ваенных падзей, які прайшоў усю вайну франтавым карэспандэнтам. Яго вершы, лісты і нарысы ведала і чакала ўся краіна, якая пакутавала ад вайны. Лейтматыў творчасці К.М. Сіманава - гэта лёс чалавека, упісаная ў гіганцкую трагедыю вайны. Ён здолеў перадаць у сваіх творах не толькі храналогію ваенных падзей, але і пачуцці, страхі, надзеі і веру простага чалавека.
Перад пачаткам мерапрыемства студэнты пазнаёміліся з кніжнай выставай “Пісьменнікі і паэты-франтавікі”. Вядучыя Колб Дзяніс і Паўлюкавец Ганна расказалі пра асноўныя этапы жыцця і творчасці К. Сіманава, пра ўплыў Вялікай Айчыннай вайны на яго лёс і літаратурную творчасць. Мерапрыемства дапаўняла прэзентацыя, якую падрыхтавала бібліятэкар Саковіч Д.М. Удзельнікі змаглі ўбачыць урыўкі з дакументальнага фільма, прысвечанага лёсу выбітнага паэта, паслухаць песню. Нікога не пакінула абыякавым відэа, дзе Канстанцін Сіманаў чытае свой легендарны верш "Чакай мяне", які стаў галоўным вершам вайны – гімнам, малітвай. Яго на беларускай мове прадэкламавала Паўлюкавец Ганна.
Кісель Арцём, Кобак Марыя, Шчаўкуноў Дзмітры, Кандэранда Аляксандра, Камлянок Яна, студэнты групы 23ЭУ-1, (куратар Ярашэвіч Л. А.) прачыталі несмяротныя радкі твораў Сіманава.
Ваенная лірыка Сіманава - жывое сведчанне вогненных гадоў, народнага подзвігу, памяць аб якім назаўжды захаваецца ў нашых сэрцах.
Дзякуем навучэнцам і выкладчыкам, якія прынялі ўдзел у мерапрыемстве!
- Войдите, чтобы оставлять комментарии
