2 красавіка асаблівы дзень для грамадзян Расіі і Беларусі. Гэта дата лічыцца святам яднання дзвюх краін. 8 снежня 1999 года, дзве дзяржавы - Расійская Федэрацыя і Рэспубліка Беларусь падпісалі Дагавор аб стварэнні Саюзнай дзяржавы. Гэты гістарычны момант не толькі сімвалізаваў імкненне да эканамічнай інтэграцыі, але і адлюстроўваў жаданне захаваць культурную спадчыну, адзінства і бяспеку на постсавецкай прасторы. Партнёрства Беларусі і Расіі выбудоўваецца на прынцыпах безумоўнага захавання дзяржаўнага суверэнітэту і тэрытарыяльнай цэласнасці, адказнага выканання бакамі сваіх міжнародных абавязацельстваў.
У чытальнай зале бібліятэкі (корпус 3, вул.Пушкіна, 4, аўд. 3332) адкрылася выстаўка “Саюзная дзяржава – гарызонты інтэграцыі”. Матэрыялы, прадстаўленыя на выстаўцы, асвятляюць розныя аспекты міждзяржаўных адносін Расіі і Беларусі: гісторыю саюзнай дзяржавы, этапы эканамічнага супрацоўніцтва, сумесныя культурныя праекты.
- Войдите, чтобы оставлять комментарии
