Ветэраны працы Палескага дзяржаўнага ўніверсітэта, а таксама супрацоўнікі розных гадоў працы ВНУ наведалі музей ПалесДУ.
Экскурсія была прымеркавана да 20-годдзя ўніверсітэта і стала часткай святочных мерапрыемстваў, прысвечаных гэтай значнай даце. Удзельнікі пазнаёміліся з экспазіцыямі, якія адлюстроўваюць гісторыю станаўлення ПалесДУ, развіццё навуковых напрамкаў, студэнцкіх ініцыятыў і культурных праектаў.
Асаблівую ўвагу прыцягнулі матэрыялы, прысвечаныя першым гадам працы ўніверсітэта і людзям, якія стаялі ля яго вытокаў. Госці адзначылі, што музей дазваляе глыбей адчуць пераемнасць пакаленняў і ўбачыць, які шлях прайшоў універсітэт за два дзесяцігоддзі.
Для ветэранаў сустрэча стала цёплай нагодай успомніць гады працы.
- Войдите, чтобы оставлять комментарии
