Палескі дзяржаўны ўніверсітэт стаў удзельнікам урачыстага адкрыцця праграмы сумеснага адукацыйнага праекта дзяржаў - членаў Еўразійскага эканамічнага саюза (ЕАЭС) "Тэхналогіі штучнага інтэлекту ў лічбавай трансфармацыі аграпрамысловага сектара". Старт маштабнай праграмы адбыўся 2 кастрычніка 2026 года ў рэжыме відэаканферэнцсувязі. Праект аб'яднаў на адной пляцоўцы прадстаўнікоў пяці дзяржаў: Рэспублікі Беларусь, Расійскай Федэрацыі, Узбекістана, Арменіі і Кыргызстана. Ад імя ПалесДУ з прывітальным словам да ўдзельнікаў звярнулася прарэктар па вучэбнай рабоце Ірына Аляксандраўна Прыгодзіч.
Праграма, разлічаная на тры месяцы (кастрычнік - снежань 2026 года), накіравана на падрыхтоўку спецыялістаў, здольных укараняць скразныя тэхналогіі і штучны інтэлект у сучасны аграпрамысловы комплекс. Прафесарска-выкладчыцкі склад універсітэта прымае ў праекце самы актыўны ўдзел – у якасці аднаго з лектараў праграмы выступіць старшы выкладчык кафедры аквакультуры і дызайну экаасяроддзя А.У. Козыр, а слухачы курса па выніках паспяховага асваення атрымаюць пасведчанні аб павышэнні кваліфікацыі ўстаноўленага ўзору. Для Палескага дзяржаўнага ўніверсітэта гэта далёка не першы вопыт паспяховага міжнароднага ўзаемадзеяння ў рамках ЕАЭС.
Раней універсітэт ужо заклаў трывалы тэхналагічны і адукацыйны падмурак, прыняўшы ўдзел у такіх буйных сумесных праектах, як: "Лічбавізацыя АПК"; «Арганічная сельская гаспадарка»; "Вырошчванне каштоўных відаў рыбы ва ўстаноўках замкнёнага водазабеспячэння". Жадаем лектарам праекта невычэрпнага натхнення, а ўсім слухачам - прадуктыўнай працы, глыбокіх дыскусій і паспяховага ўкаранення атрыманых унікальных кампетэнцый на карысць развіцця эканомік нашых краін.
- Войдите, чтобы оставлять комментарии
