У рамках рабочага візіту Намеснік Міністра адукацыі Рэспублікі Беларусь Кацярына Аляксандраўна Пятруцкая азнаёмілася з дзейнасцю Палескага дзяржаўнага ўніверсітэта. Адмысловая ўвага была нададзена працы моладзевых грамадскіх аб'яднанняў, якія функцыянуюць на базе ВНУ, а таксама развіццю і дзейнасці ўніверсітэцкіх сродкаў масавай інфармацыі і моладзевых медыяаб'яднанняў.
Для прадстаўніка Міністэрства адукацыі была арганізавана экскурсія па навучальным корпусе і спартыўных аб'ектах універсітэта, падчас якой Кацярына Аляксандраўна ацаніла матэрыяльна-тэхнічную базу ўстановы.
У час наведвання лядовай арэны Намеснік Міністра сустрэлася з хакейным клубам "Пінскія Ястрабы", у склад якога ўваходзяць навучэнцы ліцэя ПалесДУ.
- Войдите, чтобы оставлять комментарии
