У межах святкавання Тыдня беларускай навукі навукова-інавацыйным аддзелам сумесна са Стартап-школай ПалесДУ праведзены шэраг мерапрыемстваў. У мерапрыемствах прынялі ўдзел начальнік навукова-інавацыйнага аддзела, кандыдат эканамічных навук, дацэнт Рыбалка Юлія Аляксандраўна, загадчык лабараторыі “Бізнес-цэнтр” Хоміч Ганна Вітальеўна.
25 студзеня 2023 года адбыўся семінар-трэнінг “Навука ў мэтах устойлівага развіцця” для Савета маладых вучоных ПалесДУ. Юлія Аляксандраўна звярнула асаблівую ўвагу на неабходнасць генерыравання ідэй маладымі вучонымі ў межах дасягнення мэт устойлівага развіцця.
25 студзеня 2023 года адбыўся навуковы семінар “Кіраванне стартап-праектамі” для Клуба маладога лідэра ПалесДУ. У ходзе мерапрыемства разабралі, што такое стартап-праект і вызначылі яго ключавыя прыкметы, жыццёвы цыкл праекта і прычыны няўдач, змест кіравання стартапамі, а таксама некаторыя іншыя пытанні.
- Войдите, чтобы оставлять комментарии
