​​​​​​​23 снежня 2022 года адбылося ўзнагароджванне студэнтаў ПалесДУ за поспехі ў навуковай і інавацыйнай дзейнасці. Больш за 30 студэнтаў, якія адзначаны на рэспубліканскіх, міжнародных навуковых канферэнцыях, конкурсах, праектах былі запрошаны для ўрачыстага ўручэння сертыфікатаў. Прарэктар па навуковай рабоце, доктар тэхнічных навук, дацэнт Штэпа У.М. уручыў сертыфікаты за актыўны ўдзел у навукова-даследчай і інавацыйнай дзейнасці ўніверсітэта, а таксама за перамогу ў конкурсе навуковых прац “Малады даследчык” (праводзіўся ўпершыню на базе ПалесДУ).

​​​​​​​Напярэдадні Новага года студэнты Палескага дзяржаўнага ўніверсітэта атрымалі сертыфікаты ўдзельнікаў і дыплом пераможцы ХІІ Міжнароднай алімпіяды “Сусветныя войны ў гісторыі чалавецтва”, што была арганізавана Гомельскім дзяржаўным універсітэтам імя Ф. Скарыны. 23 лістапада 2022 г. каманда ПалесДУ прыняла ўдзел у алімпіядзе. Мерапрыемства праведзена ў дыстанцыйнай форме кафедрай гісторыі Беларусі факультэта гісторыі і міжкультурных камунікацый ГДУ імя Ф.Скарыны.

​​​​​​​З 22 па 23 снежня прайшоў Рэспубліканскі праект “Маладзёжная змена” на базе Рэспубліканскага маладзёжнага цэнтра. Удзельнікамі праекта сталі прадстаўнікі студэнцкіх саветаў устаноў вышэйшай адукацыі.

​​​​​​​З 19 па 23 снежня ў Мінску адбылася Рэспубліканская ўніверсіяда па міні-футболе сярод жаночых каманд. Зборная каманда ПалесДУ была заяўлена ўпершыню і зарэгістравалася ў групу “Б”. Гульні ў групе, паўфінал і фінал былі завершаны з яўнай перавагай нашых дзяўчат! З 10 каманд, якія ўдзельнічалі ў спаборніцтвах, наша зборная ўпэўнена заняла 1 месца!

У межах навагодняй дабрачыннай акцыі “Нашы дзеці” студэнцкім актывам універсітэта пры падтрымцы прафсаюзнага камітэта супрацоўнікаў і аддзела выхаваўчай работы з моладдзю адбылося прадстаўленне  “Навагоднія прыгоды казачных герояў” для дзяцей супрацоўнікаў, якое прайшло 21 снежня 2022 года. Героі казкі падарылі незабыўныя эмоцыі не толькі дзецям, але і дарослым.  

Новы год – пара  цудаў, калі стаць чараўніком можа кожны. Марафон дабрыні з года ў год крочыць па Беларусі. Для дзяцей, якія апынуліся ў складанай жыццёвай сітуацыі, гэта свята таксама доўгачаканае. Удзел у дабрачынных акцыях для студэнтаў факультэта эканомікі і фінансаў Палескага дзяржаўнага ўніверсітэта, якія пражываюць у інтэрнаце №5, стала традыцыяй. Вось ужо каторы год запар яны збіраюць навагоднія падарункі дзецям, якія трапілі ў складаныя жыццёвыя абставіны. І ў гэтым годзе студэнты актыўна ўключыліся ў працу па зборы пасільнай дапамогі для выхаванцаў Пінскага спецыялізаванага Дома дзіцяці і сацыяльна-педагагічнага цэнтра г.Пінска.

​​​​​​​20 снежня 2022 года ў Брэсцкім дзяржаўным тэхнічным універсітэце адбыўся абласны міжуніверсітэцкі этап рэспубліканскага маладзёжнага інавацыйнага праекта “100 ідэй для Беларусі”. На мерапрыемстве былі прадстаўлены 23 аўтарскія праекты ад студэнтаў усіх універсітэтаў Брэсцкай вобласці. Прадстаўнікі экспертнага савета адзначылі высокі ўзровень падрыхтоўкі праектаў і актуальнасць заяўленых тэм. У наступны этап ад Брэсцкай вобласці прайшлі 9 праектаў.

​​​​​​​З 01.11 па 22.12.2022 г. на філалагічным факультэце Беларускага дзяржаўнага ўніверсітэта  адбыўся Міжнародны конкурс эсэ на англійскай мове «Erudite – 2022», арганізатарам якога выступіла кафедра англійскага мовазнаўства.

​​​​​​​Студэнт 1 курса факультэта арганізацыі здаровага ладу жыцця завочнай формы навучання Водчыц Віталій стаў Майстрам спорту Рэспублікі Беларусь па служэбным мнагабор’і. Спаборніцтвы ўключалі ў сябе стрэлы з пісталета Макарава, плаванне на дыстанцыі 100 метраў вольным стылем і крос 1500 метраў. Віншуем Віталія і жадаем далейшых поспехаў у спорце!

20 снежня на базе Палескага дзяржаўнага ўніверсітэта адбылася дыялогавая пляцоўка па тлумачэнні новых правілаў прыёму ў ВНУ на 2023 год.