У дні святкавання 20-годдзя з дня адкрыцця ўніверсітэта праходзіць шмат мерапрыемстваў, якія знаёмяць з гісторыяй, традыцыямі, людзьмі, якія ствараюць гісторыю нашай ВНУ. 8 красавіка работнікі ўніверсітэта, у ліку якіх знаходзіліся і супрацоўнікі бібліятэкі К.А.Станкевіч і С.В.Буйніцкая, наведалі музей Палескага дзяржаўнага ўніверсітэта. Музей пачаў сваю працу яшчэ да ўтварэння ВНУ ў Пінску, у сценах Пінскага вышэйшага банкаўскага каледжа, затым экспанаты перайшлі ў музей Палескага дзяржаўнага ўніверсітэта. Спачатку знаёмствы з музейнымі пакоямі прарэктар па ідэалагічнай і выхаваўчай рабоце Вольга Анатольеўна Хмель расказала пра тое, як адкрываўся ўніверсітэт, падзялілася асабістымі ўспамінамі.

Паважаныя студэнты, выкладчыкі, супрацоўнікі ўніверсітэта!

Запрашаем вас прыняць удзел у Міжнароднай літаратурнай анлайн-акцыі «Душа народа ў творах паэтаў і пісьменнікаў».

Акцыя прымеркавана да Дня яднання народаў Беларусі і Расіі, а таксама праходзіць у рамках Года беларускай жанчыны ў Рэспубліцы Беларусь і Года адзінства народаў Расіі ў Расійскай Федэрацыі.

Мэта акцыі: умацаванне супрацоўніцтва ўніверсітэтаў у сферы патрыятычнага выхавання моладзі праз знаёмства шырокай студэнцкай аўдыторыі Расіі і Беларусі з літаратурнымі вобразамі і культурнымі традыцыямі нашых народаў.

Тэрміны і месца правядзення акцыі: з 2 красавіка да 1 мая 2026 года на тэрыторыі ПалесДУ.

У чытальнай зале бібліятэкі (вул. Пушкіна, 4, аўд. 3332) прайшлі інфармацыйныя гадзіны з групамі 25ІТ-4, 25БТ-2, 22БТ-2, прысвечаныя 20-гадоваму юбілею Палескага дзяржаўнага ўніверсітэта. Вядучы бібліятэкар А.К. Кучынская пазнаёміла студэнтаў з кніжнай выставай “Дасягненні ўніверсітэта”, друкаванымі матэрыяламі “ПалесДУ ў друку”, сабранымі з 2006 года, газетай “Унівеснік”. Студэнты паглядзелі відэаролік аб універсітэце. Усё гэта стварыла атмасферу адзінства і агульнага дачынення да гісторыі ВНУ.

Сёння, 2 красавіка, у Дзень яднання народаў Беларусі і Расіі, студэнты Курскага дзяржаўнага ўніверсітэта наведалі кніжную выставу «Саюзная дзяржава – гарызонты інтэграцыі». Вядучы бібліятэкар А.К.Кучынская правялі бібліяграфічны агляд кніг, прысвечаных гісторыі двухбаковага супрацоўніцтва і этапам станаўлення Саюзнай дзяржавы.

У час экскурсіі па бібліятэцы госці наведалі залу электронных рэсурсаў, абанемент вучэбнай літаратуры і навуковую чытальную залу, дзе знаходзіцца фонд рэдкай кнігі.

Такія сустрэчы дазваляюць студэнтам глыбей зразумець гістарычную значнасць адзінства Беларусі і Расіі, а таксама ўсвядоміць ролю моладзі ва ўмацаванні двухбаковых сувязей.

   2 красавіка асаблівы дзень для грамадзян Расіі і Беларусі. Гэта дата лічыцца святам яднання дзвюх краін. 8 снежня 1999 года, дзве дзяржавы - Расійская Федэрацыя і Рэспубліка Беларусь падпісалі Дагавор аб стварэнні Саюзнай дзяржавы. Гэты гістарычны момант не толькі сімвалізаваў імкненне да эканамічнай інтэграцыі, але і адлюстроўваў жаданне захаваць культурную спадчыну, адзінства і бяспеку на постсавецкай прасторы. Партнёрства Беларусі і Расіі выбудоўваецца на прынцыпах безумоўнага захавання дзяржаўнага суверэнітэту і тэрытарыяльнай цэласнасці, адказнага выканання бакамі сваіх міжнародных абавязацельстваў.

    Кіраванне праектамі - гэта адно з самых запатрабаваных напрамкаў у менеджменце і найбольш эфектыўны спосаб арганізацыі работ любога віду. Кіраўнік, які валодае ўніверсальным падыходам і прафесійнымі кампетэнцыямі ў галіне кіравання праектамі, эканоміць час і рэсурсы, абараняючы сябе ад вялікай колькасці рызык, якія ўзнікаюць у працэсе працы. 

24 сакавіка ў чытальнай зале бібліятэкі Палескага дзяржаўнага ўніверсітэта у рамках Дня праваслаўнай кнігі адбылася сустрэча з праваслаўным свяшчэннікам іерэем Давідам Балакаем. На сустрэчы прысутнічалі студэнты біятэхналагічнага факультэта групы 25БХ-1.

Галоўнай тэмай размовы стала значэнне кнігі як правадніка ў свеце духоўнасці і маральнасці. Святар патлумачыў, што праваслаўная кніга - гэта не толькі Святое Пісанне і богаслужэбная літаратура, але і глыбокія мастацкія творы, якія вучаць міласэрнасці, спагадзе і любові да бліжняга.

Iерэй распавёў пра свой асабісты досвед чытання, пра кнігі, якія аказалі на яго найбольшы ўплыў.

    У чытальнай зале бібліятэкі Палескага дзяржаўнага ўніверсітэта (корпус 3, аўд. 3332) 24 сакавіка ў 15.05 адбудзецца сустрэча-гутарка з прадстаўніком Праваслаўнай царквы. Тэма для размовы "Праваслаўная кніга".
    Запрашаем усіх жадаючых.

У чытальнай зале бібліятэкі Палескага дзяржаўнага ўніверсітэта 19 сакавіка прайшла гадзіна памяці «Боль спаленых вёсак».

22 сакавіка сумная дата ў гісторыі нашай краіны - Дзень памяці спаленых вёсак. Да гэтай даты 19 сакавіка ў чытальнай зале бібліятэкі навучальнага корпуса №3 (аўд. 3332) адбудзецца гадзіна памяці “Боль спаленых вёсак”. Пачатак ў 12.00. Мерапрыемства падрыхтавана сумесна з навучэнцамі 10 “А” класа ліцэя ПалесДУ (класны кіраўнік Т.С. Паўловіч).
Запрашаем усіх жадаючых!