Навiны бібліятэкi

Паважаныя карыстальнікі бібліятэкі! Нагадваем Вам, што пасля заканчэння экзаменацыйнай сесіі неабходна вярнуць у бібліятэку падручнікі і навучальныя дапаможнікі па прадметах, якія Вы паспяхова вывучылі.
Прагледзець, якая літаратура Вам выдадзена, можна на сайце ўніверсітэта на бібліятэчнай старонцы ў Электронным каталогу, прайшоўшы аўтарызацыю. Паролем для ўваходу ў электронны фармуляр служыць нумар чытацкага білета.
У выпадку страты ці пашкоджання літаратуры з фонду бібліятэкі, вам неабходна звярнуцца ў каб. 3331 у навучальным корпусе № 3 і замяніць гэтае выданне.
Звяртаем вашу ўвагу на тое, што падручнікі і навучальныя дапаможнікі на наступны семестр выдаюцца пры адсутнасці запазычанасці за папярэдні семестр.
            

Напярэдадні Дня нараджэння Аляксандра Сяргеевіча Пушкіна ў бібліятэцы Палескага дзяржаўнага ўніверсітэта была праведзена фотаакцыя “У Пушкінскі дзень з кнігай Пушкіна”. У ёй прынялі ўдзел ліцэісты і студэнты нашага ўніверсітэта:

Паважаныя выкладчыкі, супрацоўнікі і студэнты!
Прапануем Вам азнаёміцца з новымі кнігамі, якія паступілі ў бібліятэку ў маі 2023 г.

У чытальнай зале бібліятэкі (аўд. 3332) да Сусветнага дня без тытуню арганізавана кніжная выстава “Дым, які нясе здароўе”, на якой прадстаўлены кнігі, паўнатэкставыя артыкулы з перыядычных выданняў аб негатыўным уздзеянні тытуню і курэння на арганізм чалавека, аб розных спосабах і метадах барацьбы з тытунекурэннем. Таксама на выставе прадстаўлены кнігі па здароваму ладу жыцця. Спорт, загартоўка, фізічныя нагрузкі, правільнае харчаванне - усё гэта дапамагае быць чалавеку бадзёрым, здаровым, актыўным.
Апошні дзень вясны - выдатны час для кардынальных перамен у жыцці. Зрабіце свой выбар на карысць адмовы ад курэння і захавання свайго здароўя!

«Іхтыялогія – навука аб рыбах» так называецца кніжна-ілюстрацыйная экспазіцыя аб свеце марскіх насельнікаў, прадстаўленая на абанеменце вучэбнай літаратуры (корпус 3, аўд. 3214). Рыбы - вельмі важны кампанент планеты Зямля. Выстава адлюстроўвае разнастайныя спецыфічныя прыстасаванні арганізма рыбы да асяроддзя пражывання, змяшчае пытанні па размнажэнню і біялагічных характарыстыках рыб, асаблівасцях іх жыццёвага цыкла.

Міжнародны дзень сям'і адзначаецца ў свеце 15 мая. Свята было заснавана Генеральнай Асамблеяй ААН, а адбылося гэта 20 верасня 1993 года. Мэта свята - прыцягненне ўвагі шырокай грамадскасці да праблем сям'і, якіх сёння існуе вялікая колькасць.
Сям'я, як асноўны элемент грамадства, была і застаецца захавальніцай чалавечых каштоўнасцей, культуры і гістарычнай пераемнасці пакаленняў, фактарам стабільнасці і развіцця. Дзякуючы сям'і мацнее і развіваецца дзяржава, расце дабрабыт народа. Ва ўсе часы аб развіцці краіны судзілі па становішчы сям'і ў грамадстве і ў адносінах да яе дзяржавы.

Сям'я - гэта адна з галоўных каштоўнасцяў у нашым жыцці. Сем'і бываюць розныя, і для кожнага - гэта нешта сваё, асаблівае. Кожная сям'я ўнікальная, у кожнай - свае традыцыі і правілы, болі і радасці. Якой бы ні была ваша, важна, каб у ёй панавалі каханне, паразуменне і павага адзін да аднаго. Пабудаваць такую сям'ю - сапраўднае мастацтва, якое патрабуе вопыту, мудрасці і добрага прыкладу перад вачыма. 
Прапануем вам некалькі займальных твораў, якія дапамогуць адказаць на самыя складаныя пытанні пра каханне, сям'ю, бацькоў і дзяцей, знайсці выйсце з самых няпростых унутрысямейных канфліктаў і сітуацый.

5 кніг аб сям'і

З 10.05.2023 г. па 09.06.2023 г. Палескаму дзяржаўнаму ўніверсітэту адкрыты тэставы доступ да кітайскай платформы Wanfang Data.

Базы дадзеных уключаюць: часопісы, дысертацыі, матэрыялы навуковых канферэнцый, законы, прадукцыю кітайскіх кампаній, кітайскія нацыянальныя стандарты, кітайскія патэнты, нацыянальныя навуковыя ўзнагароды / дасягненні, кітайскі індэкс навуковага цытавання і г. д.

Прадастаўляецца доступ да самага шырокага спектру электронных рэсурсаў па розных тэматыкам: медыцына, бізнэс, прамысловасць, навука, адукацыя, літаратура і мастацтва, тэхніка і т. д.

Усё ў фармаце PDF і HTML

9 мая – Дзень Вялікай Перамогі над фашызмам у другой Сусветнай вайне. Дзень Перамогі святкуюць не толькі ветэраны Вялікай Айчыннай вайны, але і іх дзеці, унукі, праўнукі. Гісторыя гэтага вялікага свята яшчэ раз нагадвае пра гераізм і патрыятызм усіх абаронцаў нашай Радзімы. Дзень Перамогі - гэта свята ў гонар усіх тых, хто падарыў нам мір на нашай зямлі!
У чытальных залах бібліятэкі (навучальны корпус №1, №3) аформлены кніжныя выставы ў гонар Дня Перамогі ў Вялікай Айчыннай вайне: "Аб вайне і аб перамозе…", "Подзвіг герояў у сэрцах пакаленняў…". На выставах прадстаўлены літаратурныя творы пра падзеі, подзвігі, гісторыі мінулай вайны.

Паважаныя выкладчыкі, супрацоўнікі і студэнты!
Прапануем Вам азнаёміцца з новымі кнігамі, якія паступілі ў бібліятэку ў КРАСАВІКУ 2023 г.