Навiны

​​​​​​​У сталіцы Грузіі прайшоў міжнародны турнір па каратэ «Серыя А», у якім прымаюць удзел наймацнейшыя каратысты планеты. Гэты старт з'яўляўся рэйтынгавым і адборачным на Чэмпіянат свету. У кумітэ ў спаборніцтве. мужчын вагавой катэгорыі да 84 кг выступаў студэнт Палескага дзяржаўнага ўніверсітэта Сахвон Мікіта, майстар спорту Рэспублікі Беларусь.

Мікіта перамог спартсменаў з Казахстана, Ірана, Бельгіі і толькі ў чацвёртым баі саступіў свайму саперніку з Турцыі.

Жадаем нашаму студэнту высокіх спартыўных дасягненняў на міжнародным узроўні і паспяховай здачы зімовай экзаменацыйнай сесіі!

​​​​​​​Студэнткі 4 курса факультэта эканомікі і фінансаў Марта Уладычык, Карына Фядэчка, Аліна Барысевіч і Аліна Міхнюк прынялі ўдзел у рэспубліканскім конкурсе "Мой уклад у будучыню краіны". Праект нашых студэнтак "Інавацыйная прапанова для аграномаў "AGROWEATHER" заняў 3 месца.

22 студзеня ў горадзе Мінску адбылася ўрачыстая цырымонія ўзнагароджання пераможцаў і прызёраў.

У ходзе мерапрыемства студэнткі пазнаёміліся з Нацыянальным цэнтрам мастацкай творчасці дзяцей і моладзі, наведалі выставы работ пераможцаў і прызёраў рэспубліканскіх конкурсаў, а таксама рэспубліканскую выставу дэкаратыўна-прыкладной творчасці "Калядная зорка".

​​​​​​​На выбарчым участку №22, створаным на базе Палескага дзяржаўнага ўніверсітэта, рэктар, дэпутат Брэсцкага абласнога Саветаў дэпутатаў Валерый Іванавіч Дунай выканаў свой грамадзянскі абавязак, павіншаваў і ўручыў сімвалічныя падарункі першым студэнтам, якія прагаласавалі. "Сёння пачынаецца датэрміновае галасаванне, і я выказваю ўпэўненасць, што кожны грамадзянін Рэспублікі Беларусь разумее, як важна захаваць ужо выбраны намі шлях міру. Сапраўды, так актуальна ў сучасных рэаліях гучаць гэтыя словы. Шлях стварэння, шлях сацыяльнай справядлівасці – усе павінны ўсведамляць, як важна быць адзінымі, каб захаваць усе дасягненні нашай краіны за апошнія 30 гадоў.

​​​​​​​21 студзеня 2025 года на базе УА "Палескі дзяржаўны ўніверсітэт" адбыўся Міжнародны навуковы семінар "Навука і інавацыі: актуальныя пытанні сучаснасці", прымеркаваны да Дня беларускай навукі.

​​​​​​​20 студзеня 2025 года ў рамках пашыранага рэктарата, дзе сабраліся прадстаўнікі маладзёжных грамадскіх аб'яднанняў і студэнцтва, рэктар Палескага дзяржаўнага ўніверсітэта Валерый Іванавіч Дунай яшчэ раз падкрэсліў важнасць актыўнага ўдзелу ў палітычным жыцці краіны – выбарах Прэзідэнта Рэспублікі Беларусь.

​​​​​​​6 студзеня 2025 года ў Палескім дзяржаўным універсітэце прайшоў Адзіны дзень інфармавання "Удзел у выбарах – права і грамадзянскі абавязак кожнага". Аб ролі грамадзянскай супольнасці ў працэсе фарміравання органаў улады расказаў дэкан інжынернага факультэта Астранкоў Андрэй Валер'евіч. Прарэктар па ідэалагічнай і выхаваўчай рабоце Хмель Вольга Анатольеўна нагадала, што кожны голас мае значэнне – разам мы вызначаем будучыню нашай краіны.

​​​​​​​У Палескім дзяржаўным універсітэце праходзіць акцыя "Штаб маладога выбаршчыка". У склад штаба ўваходзяць сакратар БРСМ Ліхота Уладзіслаў Юр'евіч, намеснікі дэканаў па ідэалагічнай і выхаваўчай рабоце Ляўшук Аксана Мікалаеўна, Карогвіч Наталля Вітальеўна, Галяковіч Юлія Алегаўна, Прылоўская Кацярына Ігараўна, намеснік старшыні Моладзевага парламента пры Брэсцкім абласным Савеце дэпутатаў Мацука Вольга Васільеўна, а таксама актывісты БРСМ.

У рамках акцыі праходзяць сустрэчы са студэнтамі, на якіх моладзь у даступнай форме знаёмяць з падрабязнасцямі прэзідэнцкіх выбараў, якія маюць адбыцца 26 студзеня 2025 года. Арганізатары праводзяць дзелавыя гульні і адказваюць на пытанні.

​​​​​​​У Мінску стартаваў рэспубліканскі форум лідэраў "Маладзёжнае лідэрства – сучасны погляд". Мэта мерапрыемства – стварэнне ўмоў для развіцця сацыяльнай актыўнасці, лідэрскага патэнцыялу, патрыятычнай адказнасці моладзі, актывізацыі маладзёжнага супрацоўніцтва ў Беларусі. Удзел у форуме бяруць 345 пераможцаў і прызёраў рэспубліканскіх і міжнародных конкурсаў, фестываляў і праектаў. Сярод удзельнікаў студэнты, а таксама моладзь, якая працуе. Палескі дзяржаўны ўніверсітэт прадстаўляюць: Карняенка Дар'я, Біч Вікторыя, Рэшэтава Валерыя, Чыгрынёва Лізавета, Арцёмчык Ксенія, Бойка Вольга, Аўдзеенка Ангеліна, Глінка Раман, Верасовіч Надзея.

​​​​​​​10 студзеня ў рамках акцыі "Нашы дзеці" ў палацы Пуслоўскіх у Косава адбыўся навагодні баль для таленавітай моладзі Брэсцкай вобласці. Удзельнікамі навагодняй урачыстасці сталі 58 студэнтаў ВНУ і навучэнцаў устаноў агульнай сярэдняй адукацыі, у тым ліку пераможцы алімпіяд, спартыўных турніраў, аўтары інавацыйных праектаў і лаўрэаты міжнародных конкурсаў. На чале з рэктарам Дунаем Валерыем Іванавічам Палескі дзяржаўны ўніверсітэт на абласным балі прадставілі Лашук Дзмітрый, студэнт факультэта эканомікі і фінансаў, Шуманская Яўгенія, студэнтка факультэта эканомікі і фінансаў, Жаўнерчык Крысціна, студэнтка інжынернага факультэта, Шаміч Ілья, студэнт біятэхналагічнага факультэта.

​​​​​​​Першы год пяцігодкі якасці будзе Годам добраўпарадкавання краіны. Аб гэтым Прэзідэнт Рэспублікі Беларусі Аляксандр Лукашэнка заявіў у сваім навагоднім звароце да беларускага народа. «Наш шлях – пераемнасць. Змена пакаленняў завершыцца ў найбліжэйшыя гады. Па-беларуску мудра – з апорай на ўсё, чым мы шануем і чым ганарымся. Наступная пяцігодка ў нашай краіне будзе пяцігодкай якасці. Кожны яе год мы прысвяцім аднаму найважнейшаму напрамку. Пачнём з Года добраўпарадкавання краіны. Мэтай добраўпарадкавання нашай Беларусі стане павышэнне якасці жыцця людзей», - заявіў беларускі лідэр. Аляксандр Лукашэнка ў навагоднім звароце таксама адзначыў, што зусім хутка трэба будзе выбіраць будучыню дзяржавы.