3 красавіка ў адміністрацыі СЭЗ «Брэст» адбыліся перамовы з прэзідэнтам кампаніі Zafaran Pharmaceuticals доктарам Хашматам Сеарам Амархаілам.
З боку Палескага дзяржаўнага ўніверсітэта ўдзел у сустрэчы прымалі загадчык кафедры біяхіміі і біяінфарматыкі, кандыдат сельскагаспадарчых навук, дацэнт Глінская Наталля Анатольеўна, а таксама в.а. дырэктара ТАА «Тэхнапарк Палессе» Козыр Аляксей Віктаравіч.
Бакі абмеркавалі перспектыўныя напрамкі супрацоўніцтва ў фармацэўтычнай галіне, развіццё гандлёва-эканамічных адносін, пытанні выкарыстання патэнцыялу Палескага дзяржаўнага ўніверсітэта ў сферы навукова-практычнай дзейнасці і падрыхтоўкі кадраў.
Інвестару былі прэзентаваны магчымасці Прамысловага парку ў горадзе Пінску для рэалізацыі інавацыйнага праекта, прадстаўлены магчымыя льготы і прэферэнцыі. Доктар Хашмат Сеарам Амархаіл высока ацаніў патэнцыял Палескага дзяржаўнага ўніверсітэта пры рэалізацыі гэтага праекта, як з пункту падрыхтоўкі высокакваліфікаваных кадраў, так і з пункту правядзення сумесных навуковых даследаванняў. Інвестар гатовы разгледзець розныя пляцоўкі для рэалізацыі праекта.
- Войдите, чтобы оставлять комментарии
