19 красавіка 2024 года прайшла сустрэча прадстаўнікоў Палескага дзяржаўнага ўніверсітэта і Шаньсійскага інстытута навукі і тэхналогій (Кітайская Народная Рэспубліка). З кітайскага боку ў мерапрыемстве прыняў удзел дэкан факультэта дызайну Шаньсійскага інстытута навукі і тэхналогій Niu Fujie, які выказаў надзею на прадаўжэнне эфектыўнага супрацоўніцтва, якое садзейнічае акадэмічнай мабільнасці, сумесным даследаванням і рэалізацыі праектаў. У рамках візіту прадстаўнік кітайскага ўніверсітэта сустрэўся з рэктарам Палескага дзяржаўнага ўніверсітэта Дунаем Валерыем Іванавічам.
Прадстаўнік кітайскага ўніверсітэта наведаў мерапрыемствы IX Міжнароднага фестывалю валанцёрскіх каманд "Наш выбар - здаровы лад жыцця!", выступіў з прывітальным словам на XVIII Міжнароднай маладзёжнай навукова-практычнай канферэнцыі "Навуковы патэнцыял моладзі - будучыні Беларусі", а таксама сустрэўся з выкладчыкамі кітайскай мовы кафедры маркетынгу і міжнароднага менеджменту для абмеркавання развіцця Цэнтра беларуска-кітайскіх міжкультурных камунікацый ПалесДУ.
З Шаньсійскім інстытутам навукі і тэхналогій у ПалесДУ склаліся добрыя партнёрскія адносіны з моманту падпісання мемарандума аб узаемаразуменні ў рамках Міжнароднай навуковай канферэнцыі "Пінскія чытанні" ў 2022 годзе. Па выніках візіту запланаваны канкрэтныя мерапрыемствы, накіраваныя на пашырэнне супрацоўніцтва.
- Войдите, чтобы оставлять комментарии
