Адной з найважнейшых задач, нараўне з навучаннем і выхаваннем, з'яўляецца захаванне і ўмацаванне псіхічнага здароўя навучэнцаў. 25 сакавіка ў рамках месячніка прафілактычных мерапрыемстваў у Палескім дзяржаўным універсітэце адбылася сустрэча студэнтаў з псіхатэрапеўтам філіяла "Міжраённы псіханеўралагічны дыспансер" Лысюк Анастасіяй Васільеўнай.
Псіхатэрапеўт распавяла аб псіхічным здароўі і рэакцыях на стрэсавыя сітуацыі, аб трывожнасці, панічных нападах, дэпрэсіі і прафілактыцы гэтых станаў. Студэнты атрымалі інфармацыю аб даступных службах псіхалагічнай, псіхатэрапеўтычнай і псіхіятрычнай дапамогі, гарачых лініях, прыкметах знясілення нервовай сістэмы і дзеяннях самадапамогі на розных узроўнях знясілення.
- Войдите, чтобы оставлять комментарии
