Штогод 9 снежня адзначаецца Міжнародны дзень памяці ахвяраў злачынства генацыду.
Гэты дзень быў абвешчаны Генеральнай Асамблеяй ААН у верасні 2015 года. Дата была абрана не выпадкова: у 1948 годзе 9 снежня была прынята Канвенцыя аб папярэджанні злачынства генацыду і пакаранні за яго.
Для Беларусі гэтая тэма мае асаблівую значнасць. Кожны трэці беларус загінуў у барацьбе з фашызмам або быў знішчаны нямецкімі захопнікамі.
Прыняты ў краіне Закон “Аб генацыдзе беларускага народа” – гэта прававы і маральны абавязак перад пакаленнем, якое перажыло жах, і залог захавання гістарычнай праўды для нашчадкаў.
Беларусь у гады вайны на сваёй тэрыторыі перажыла фактычна два генацыды: халакост беларускіх яўрэяў і генацыд беларусаў як складніка ўсходніх славян.
У бібліятэцы арганізаваны адкрыты прагляд літаратуры "Генацыд: успомніць усё, памятаць кожнага".
Наш абавязак - не дазволіць здрадзіць забыццю памяць аб мільёнах ахвяр і велічы подзвігу ўсіх, хто аддаў жыцці ў імя выратавання Радзімы!
- Войдите, чтобы оставлять комментарии
