Навiны

​​​​​​​24 студзеня 2025 года ў Палескім дзяржаўным універсітэце быў падпісаны дагавор аб супрацоўніцтве паміж установай адукацыі "Палескі дзяржаўны ўніверсітэт" і установай аховы здароўя "Брэсцкая цэнтральная гарадская бальніца". Подпісы пад дакументам паставілі рэктар ПалесДУ Дунай Валерый Іванавіч і галоўны ўрач Брэсцкай цэнтральнай гарадской бальніцы Макроў Андрэй Уладзіміравіч.

Кіраўнікі ўстаноў дамовіліся аб арганізацыі сумеснай вучэбнай і навуковай работы, вытворчай дзейнасці ў мэтах абмену вопытам практычнай дзейнасці, выкладчыцкай і навукова-метадычнай работы.

​​​​​​​22 студзеня студэнты інжынернага факультэта наведалі выставу "Мая Беларусь", якая размешчана ў Мінскім міжнародным выставачным цэнтры.

Гэтае мерапрыемства праходзіць не ўпершыню і дэманструе дасягненні Беларусі за апошнія 30 гадоў, а таксама перспектывы развіцця краіны. Выстаўка займае плошчу больш за 30 000 м2 і ўключае як унутраныя, так і знешнія экспазіцыі, зоны адпачынку, фуд корт і культурныя мерапрыемствы.

​​​​​​​24 студзеня 2025 года для навучэнцаў 10-х класаў ліцэя Палескага дзяржаўнага ўніверсітэта праведзены семінар "Універсітэцкая навука як адзін з прыярытэтаў інавацыйнага развіцця краіны".

Загадчык кафедры сацыяльна-гуманітарных дысцыплін, кандыдат эканамічных навук, дацэнт Рыбалка Юлія Аляксандраўна расказала аб навукова-даследчай і інавацыйнай дзейнасці ўніверсітэта, азнаёміла прысутных з перспектыўнымі напрамкамі навуковых даследаванняў на сучасным этапе.

​​​​​​​У сталіцы Грузіі прайшоў міжнародны турнір па каратэ «Серыя А», у якім прымаюць удзел наймацнейшыя каратысты планеты. Гэты старт з'яўляўся рэйтынгавым і адборачным на Чэмпіянат свету. У кумітэ ў спаборніцтве. мужчын вагавой катэгорыі да 84 кг выступаў студэнт Палескага дзяржаўнага ўніверсітэта Сахвон Мікіта, майстар спорту Рэспублікі Беларусь.

Мікіта перамог спартсменаў з Казахстана, Ірана, Бельгіі і толькі ў чацвёртым баі саступіў свайму саперніку з Турцыі.

Жадаем нашаму студэнту высокіх спартыўных дасягненняў на міжнародным узроўні і паспяховай здачы зімовай экзаменацыйнай сесіі!

​​​​​​​Студэнткі 4 курса факультэта эканомікі і фінансаў Марта Уладычык, Карына Фядэчка, Аліна Барысевіч і Аліна Міхнюк прынялі ўдзел у рэспубліканскім конкурсе "Мой уклад у будучыню краіны". Праект нашых студэнтак "Інавацыйная прапанова для аграномаў "AGROWEATHER" заняў 3 месца.

22 студзеня ў горадзе Мінску адбылася ўрачыстая цырымонія ўзнагароджання пераможцаў і прызёраў.

У ходзе мерапрыемства студэнткі пазнаёміліся з Нацыянальным цэнтрам мастацкай творчасці дзяцей і моладзі, наведалі выставы работ пераможцаў і прызёраў рэспубліканскіх конкурсаў, а таксама рэспубліканскую выставу дэкаратыўна-прыкладной творчасці "Калядная зорка".

​​​​​​​На выбарчым участку №22, створаным на базе Палескага дзяржаўнага ўніверсітэта, рэктар, дэпутат Брэсцкага абласнога Саветаў дэпутатаў Валерый Іванавіч Дунай выканаў свой грамадзянскі абавязак, павіншаваў і ўручыў сімвалічныя падарункі першым студэнтам, якія прагаласавалі. "Сёння пачынаецца датэрміновае галасаванне, і я выказваю ўпэўненасць, што кожны грамадзянін Рэспублікі Беларусь разумее, як важна захаваць ужо выбраны намі шлях міру. Сапраўды, так актуальна ў сучасных рэаліях гучаць гэтыя словы. Шлях стварэння, шлях сацыяльнай справядлівасці – усе павінны ўсведамляць, як важна быць адзінымі, каб захаваць усе дасягненні нашай краіны за апошнія 30 гадоў.

​​​​​​​21 студзеня 2025 года на базе УА "Палескі дзяржаўны ўніверсітэт" адбыўся Міжнародны навуковы семінар "Навука і інавацыі: актуальныя пытанні сучаснасці", прымеркаваны да Дня беларускай навукі.

​​​​​​​20 студзеня 2025 года ў рамках пашыранага рэктарата, дзе сабраліся прадстаўнікі маладзёжных грамадскіх аб'яднанняў і студэнцтва, рэктар Палескага дзяржаўнага ўніверсітэта Валерый Іванавіч Дунай яшчэ раз падкрэсліў важнасць актыўнага ўдзелу ў палітычным жыцці краіны – выбарах Прэзідэнта Рэспублікі Беларусь.

​​​​​​​6 студзеня 2025 года ў Палескім дзяржаўным універсітэце прайшоў Адзіны дзень інфармавання "Удзел у выбарах – права і грамадзянскі абавязак кожнага". Аб ролі грамадзянскай супольнасці ў працэсе фарміравання органаў улады расказаў дэкан інжынернага факультэта Астранкоў Андрэй Валер'евіч. Прарэктар па ідэалагічнай і выхаваўчай рабоце Хмель Вольга Анатольеўна нагадала, што кожны голас мае значэнне – разам мы вызначаем будучыню нашай краіны.

​​​​​​​У Палескім дзяржаўным універсітэце праходзіць акцыя "Штаб маладога выбаршчыка". У склад штаба ўваходзяць сакратар БРСМ Ліхота Уладзіслаў Юр'евіч, намеснікі дэканаў па ідэалагічнай і выхаваўчай рабоце Ляўшук Аксана Мікалаеўна, Карогвіч Наталля Вітальеўна, Галяковіч Юлія Алегаўна, Прылоўская Кацярына Ігараўна, намеснік старшыні Моладзевага парламента пры Брэсцкім абласным Савеце дэпутатаў Мацука Вольга Васільеўна, а таксама актывісты БРСМ.

У рамках акцыі праходзяць сустрэчы са студэнтамі, на якіх моладзь у даступнай форме знаёмяць з падрабязнасцямі прэзідэнцкіх выбараў, якія маюць адбыцца 26 студзеня 2025 года. Арганізатары праводзяць дзелавыя гульні і адказваюць на пытанні.