![](/sites/default/files/styles/n/public/2021-06/%D0%91%D0%B5%D0%B7%20%D0%B8%D0%BC%D0%B5%D0%BD%D0%B8-1.jpg?itok=sNTG0IMm)
Камісія Дэпартамента кантролю якасці адукацыі Міністэрства адукацыі Рэспублікі Беларусь па правядзенні дзяржаўнай акрэдытацыі працуе ў Палескім дзяржаўным універсітэце.
Праца камісіі ў Палескім дзяржаўным універсітэце пройдзе з 31 мая па 4 чэрвеня 2021 года. Узначаліць камісію Ларыса Юр'еўна Дзяйнекіна - намеснік начальніка ўпраўлення кантролю якасці адукацыі і дзяржаўнай акрэдытацыі Дэпартамента кантролю якасці Міністэрства адукацыі Рэспублікі Беларусь.
Акрэдытацыя пройдзе па чатырох спецыяльнасцях першай ступені вышэйшай адукацыі - «Лінгвістычнае забеспячэнне міжкультурных камунікацый (па напрамках)», «Эканоміка», «Бізнес-адміністраванне», «Менеджмент (па напрамках)». Будуць прааналізаваныя арганізацыя і змест адукацыйнага працэсу, матэрыяльна-тэхнічнае забеспячэнне па спецыяльнасцях, якія акрэдытуюцца, сацыяльна-бытавыя ўмовы студэнтаў, захаванне нормаў па ахове здароўя i бяспецы жыцця навучэнцаў, кадравыя рэсурсы, інфармацыйнае і бібліятэчнае забеспячэнне. Вынікі акрэдытацыі будуць падведзены 4 чэрвеня падчас заключнага пасяджэння камісіі.
- Войдите, чтобы оставлять комментарии