Актуальнаму пытанню прафілактыкі каранавіруса была прысвечана лекцыя «Вакцынацыя супраць COVID-19», якая адбылася ў Палескім дзяржаўным універсітэце 30 верасня.
Старшы выкладчык кафедры фізічнай рэабілітацыі і спартыўнай медыцыны, доктар Сяргей Уладзіміравіч Дзяцел расказаў пра тое, чаму важна вакцынавацца, як фарміруюцца розныя віды імунітэту, патлумачыў студэнтам механізм распрацоўкі і стварэння вакцын. Сяргей Уладзіміравіч данёс да студэнтаў інфармацыю аб адобраных вакцынах супраць COVID-19, якія актыўна выкарыстоўваюцца на сённяшні дзень і іх эфектыўнасці.
Нагадваем, што вакцынацыя - гэта адзіны на сённяшні дзень спосаб абараніць арганізм ад каранавіруснай інфекцыі, і ў ПалесДУ працягваецца прышчэпачная кампанія. Для студэнтаў даступная вакцына «Спадарожнік Лайт». Па пытаннях вакцынацыі звяртацца ў дэканаты факультэтаў.
- Войдите, чтобы оставлять комментарии
