Хатынь – сімвал страшнай трагедыі, якую перажыў беларускі народ у гады Вялікай Айчыннай вайны. 22 сакавіка 1943 года фашысцкія карнікі жыўцом спалілі і расстралялі амаль усіх жыхароў - 149 чалавек, у тым ліку 75 дзяцей.
Усё насельніцтва Хатыні выгналі з дамоў і загналі ў калгасную адрыну. Карнікі замкнулі дзверы хлява, абклалі яго саломай, аблілі бензінам і падпалілі. Драўляная адрына імгненна загарэлася. Пад напорам дзясяткаў чалавечых целаў не вытрымалі і паваліліся дзверы. У палаючым адзенні, ахопленыя жахам, людзі кінуліся ўцякаць, але тых, хто вырываўся з полымя, фашысты стрымана расстрэльвалі з аўтаматаў і кулямётаў…
Хатынь застанецца ў гісторыі як сімвал масавага знішчэння нацыстамі мірнага насельніцтва на акупаванай тэрыторыі Беларусі. Колькі б гадоў ні мінула для беларускага народа, памяць аб Хатынскай трагедыі заўсёды будзе святая.
- Войдите, чтобы оставлять комментарии
