8 верасня ў межах Тыдня спорту і здароўя прайшоў тэлемост паміж Палескім дзяржаўным універсітэтам і Нацыянальным дзяржаўным універсітэтам фізічнай культуры, спорту і здароўя імя П.Ф. Лесгафта (Санкт-Пецярбург). Мадэратарам ад ПалесДУ выступіла дэкан факультэта арганізацыі здаровага ладу жыцця, кандыдат медыцынскіх навук, дацэнт Таццяна Уладзіміраўна Марыніч. З прывітальным словам да ўдзельнікаў відэасустрэчы звярнуўся прарэктар па навуковай працы, доктар тэхнічных навук, дацэнт Штэпа Уладзімір Мікалаевіч. Прарэктар адзначыў, што першыя крокі да супрацоўніцтва ўжо зроблены (ПалесДУ у бліжэйшы час наведаюць студэнты ўніверсітэта Лесгафта) і выказаў надзею на далейшае плённае супрацоўніцтва.
Тэлемост аб’яднаў супрацоўнікаў і студэнтаў дзвюх ВНУ. Удзельнікі мерапрыемства змаглі задаць пытанні расійскім фігурыстам Настассі Мішынай і Аляксандру Галямаву, якія з’яўляюцца студэнтамі 3-га курса Нацыянальнага дзяржаўнага ўніверсітэта фізічнай культуры, спорту і здароўя імя П.Ф. Лесгафта.
Настасся і Аляксандр – алімпійскія чэмпіёны ў камандным спаборніцтве (2022), бронзавыя прызёры Алімпійскіх гульняў у парным катанні (2022), чэмпіёны свету (2021), чэмпіёны Еўропы (2022), бронзавыя прызёры фіналу Гран-пры (2019), чэмпіёны Расіі (2022), чэмпіёны свету сярод юніёраў (2019), пераможцы фіналу юніёрскага Гран-пры (2018), пераможцы першынства Расіі сярод юніёраў (2019). Заслужаны майстар спорту Расіі (2021). Кавалер ордэна Сяброўства (2022). Па стане на 17 чэрвеня 2022 года пара займае 2-е месца ў рэйтынгу Міжнароднага саюза канькабежцаў.
Алімпійскія чэмпіёны з задавальненнем адказалі на пытанні студэнтаў. Сустрэча атрымалася жывой і адкрытай.
- Войдите, чтобы оставлять комментарии
