![](/sites/default/files/styles/n/public/2023-05/%D0%91%D0%B5%D0%B7%20%D0%BD%D0%B0%D0%B7%D0%B2%D0%B0%D0%BD%D0%B8%D1%8F.jpg?itok=sFBekeL2)
Міжнародны дзень сям'і адзначаецца ў свеце 15 мая. Свята было заснавана Генеральнай Асамблеяй ААН, а адбылося гэта 20 верасня 1993 года. Мэта свята - прыцягненне ўвагі шырокай грамадскасці да праблем сям'і, якіх сёння існуе вялікая колькасць.
Сям'я, як асноўны элемент грамадства, была і застаецца захавальніцай чалавечых каштоўнасцей, культуры і гістарычнай пераемнасці пакаленняў, фактарам стабільнасці і развіцця. Дзякуючы сям'і мацнее і развіваецца дзяржава, расце дабрабыт народа. Ва ўсе часы аб развіцці краіны судзілі па становішчы сям'і ў грамадстве і ў адносінах да яе дзяржавы.
У чытальнай зале бібліятэкі (аўд. 3332) падрыхтавана кніжна-часопісная выстава “Вянок усіх каштоўнасцей – сям'я”, на якой прадстаўлены кнігі і артыкулы аб сямейных адносінах, аб выхаванні дзяцей і літаратура па папулярызацыі сямейных каштоўнасцей.
- Войдите, чтобы оставлять комментарии