29-30 мая на базе ПалесДУ праходзіць выязное пасяджэнне Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы. На парадку дня тэма “Аб ролі заканадаўства аб адукацыі ў стымуляванні развіцця на рэгіянальным узроўні ўніверсітэцкай фундаментальнай, інавацыйнай і прыкладной навукі (у межах вывучэння практыкі прымянення Кодэкса Рэспублікі Беларусь аб адукацыі)”.
На пленарным пасяджэнні выступілі старшыня камісіі Марзалюк Ігар Аляксандравіч, намеснік старшыні камісіі Калеснева Алена Пятроўна, рэктар Палескага дзяржаўнага ўніверсітэта Дунай Валерый Іванавіч, начальнік ліцэя Палескага дзяржаўнага ўніверсітэта Сінкевіч Аліна Іванаўна.
Праца камісіі працягнулася на аб’ектах універсітэта. Удзельнікі пасяджэння пазнаёміліся са спартыўнымі аб’ектамі ўніверсітэта, а таксама прынялі ўдзел ва ўрачыстым закрыцці сезона СДЮШАР “Пінскія Ястрабы-ПалесДУ”. У гэты час лепшыя ігракі каманд розных узростаў былі ўзнагароджаны падзякамі і падарункамі. У студэнцкім клубе Палескага дзяржаўнага ўніверсітэта студэнты ПалесДУ прэзентавалі канцэртную праграму “Беларусь – гэта МЫ!”.
30 мая камісія пазнаёмілася з напрамкамі работы, навуковымі распрацоўкамі факультэтаў і лабараторый ВНУ.
- Войдите, чтобы оставлять комментарии
