10 чэрвеня адбыўся візіт рэктара Палескага дзяржаўнага ўніверсітэта Дуная Валерыя Іванавіча ў Ліньчжоўскі архітэктурны прафесійна-тэхнічны інстытут. У межах наведвання ВНУ адбылася сустрэча з дырэктарам Гуа Чангенг, яго намеснікам Гуа Пенг, кіраўніком па працы са студэнтамі Лі Фенг, кіраўніком аддзела штучнага інтэлекту Шэн Ксянбо і дырэктарам аддзела інтэграцыі прамысловасці і адукацыі Гу Джанмей. Установы адукацыі абмеркавалі перспектывы паступлення выпускнікоў Ліньчжоўскага архітэктурнага прафесійна-тэхнічнага інстытута ў Палескі дзяржаўны ўніверсітэт на навучанне па праграмах бакалаўрыяту, а таксама магчымасці ўдзелу ў летніх і зімовых школах, арганізаваных у ПалесДУ. Сустрэча завяршылася цырымоніяй падпісання Дамовы аб супрацоўніцтве паміж кіраўнікамі ўстаноў адукацыі.
11 чэрвеня ў межах візіту дэлегацыі Палескага дзяржаўнага ўніверсітэта ў КНР адбылося наведванне рэктарам Дунаем Валерыем Іванавічам політэхнічнага інстытута Хэбі, які з’яўляецца шматпрофільным універсітэтам і ахоплівае сферы падрыхтоўкі спецыялістаў у розных галінах: медыцына і здароўе, вытворчасць абсталявання, грамадзянская архітэктура, культура і мастацтва, турызм і інш. Для прадстаўнікоў ПалесДУ супрацоўнікі політэхнічнага інстытута Хэбі правялі экскурсію па ВНУ і пазнаёмілі з працай інстытута. На сустрэчы з супрацоўнікамі і студэнтамі кітайскай ВНУ Палескі дзяржаўны ўніверсітэт прэзентаваў свой адукацыйны і навуковы патэнцыял. Рэктар Палескага дзяржаўнага ўніверсітэта Дунай Валерый Іванавіч і віцэ-прэзідэнт політэхнічнага інстытута Хэбі Ян Чанчунь абмеркавалі магчымыя напрамкі далейшага ўзаемадзеяння і перспектыву заключэння дагавора аб супрацоўніцтве. На базе сярэдняй школы №1 горада Хэбі прайшла сустрэча дэлегацыі ПалесДУ з дырэктарамі школ горада. Універсітэт прэзентаваў свой адукацыйны патэнцыял, бакі абмеркавалі магчымасць накіравання выпускнікоў школ на навучанне па праграмах бакалаўрыяту ў ПалесДУ, а таксама заключэнне ў бліжэйшы час дагавораў аб супрацоўніцтве.
На афіцыйнай сустрэчы з прадстаўнікамі Хэнаньскага жывёлагадоўчага эканамічнага інстытута: прарэктарам Ян Гаюй, начальнікам аддзела міжнародных сувязяў Чжао Цзяньхуа, дырэктарам інстытута фінансаў і бухгалтарскага ўліку Хуан Лянцзе, бакі падпісалі Дагавор аб супрацоўніцтве, а таксама абмеркавалі напрамкі далейшага ўзаемадзеяння ў галіне адукацыі і навукі.
12 чэрвеня прайшла цырымонія падпісання Дагавору аб супрацоўніцтве паміж Палескім дзяржаўным універсітэтам і Чжуньюаньскім інстытутам навукі і тэхналогій. Ва ўрачыстай абстаноўцы свае подпісы ў дагаворы аб двухбаковым узаемадзеянні ўстаноў адукацыі паставілі рэктар ПалесДУ Дунай Валерый Іванавіч і прарэктар Чжуньюаньскага інстытута навукі і тэхналогій Чжао Юй. У выніку сустрэчы таксама дасягнуты дамоўленасці аб правядзенні анлайн-сустрэч профільных дэканаў і загадчыкаў кафедр з мэтай дэталёвай прапрацоўкі пытанняў супрацоўніцтва.
- Войдите, чтобы оставлять комментарии
