1-2 лістапада 2023 года на базе УА «Віцебскі дзяржаўны ўніверсітэт імя П.М. Машэрава» старшыня Савета маладых навукоўцаў УА «Палескі дзяржаўны ўніверсітэт», прадстаўнік Савета маладых навукоўцаў пры Міністэрстве адукацыі Рэспублікі Беларусь Вараб'ёва Марыя Міхайлаўна прыняла ўдзел у семінары аб падрыхтоўцы і правядзенні 13-га сезона Рэспубліканскага маладзёжнага праекта «100 ідэй для Беларусі» ва ўстановах вышэйшай адукацыі і пасяджэнні СМН пры Міністэрстве адукацыі Рэспублікі Беларусь. Ад Брэсцкай вобласці Марыя Міхайлаўна прадставіла даклад «Пра вынікі работы саветаў маладых вучоных Брэсцкай вобласці», у якім падрабязна расказала аб мадэлі ўзаемадзеяння СМН са школьнікамі, студэнтамі, магістрантамі, аспірантамі, знешнім і ўнутраным супрацоўніцтве, а таксама дасягненнях і перспектыўных напрамках.
Напрыканцы мерапрыемства прадстаўнікі СМН наведалі УП «Віцебскаблгаз» і прынялі ўдзел у дыялогавай пляцоўцы па абмеркаванні пытанняў супрацоўніцтва СМН пры Міністэрстве адукацыі Рэспублікі Беларусь і маладзёжнага савета УП «Віцебскаблгаз» з мэтай вырашэння прыкладных і фундаментальных задач.
- Войдите, чтобы оставлять комментарии
