23-24 лістапада 2023 года на базе ўстановы адукацыі «Віцебскі дзяржаўны тэхналагічны ўніверсітэт» прайшоў Рэспубліканскі семінар-нарада па пытаннях арганізацыі і ажыццяўлення навуковай, навукова-тэхнічнай і інавацыйнай дзейнасці ў сістэме Міністэрства адукацыі Рэспублікі Беларусь. Удзел у мерапрыемстве прынялі прарэктары па навуковай рабоце і профільныя супрацоўнікі вышэйшых навучальных устаноў нашай краіны. Прадстаўнік ад Палескага дзяржаўнага ўніверсітэта быў Штэпа Уладзімір Мікалаевіч.
У першы дзень для дэлегатаў была праведзена дэманстрацыя навукова-інавацыйнай інфраструктуры Віцебскага дзяржаўнага тэхналагічнага ўніверсітэта: вытворчых плошчаў навукова-тэхналагічнага парка, вучэбна-даследчай лабараторыі абуткавай вытворчасці, вучэбна-навукова-вытворчай лабараторыі «Цэнтр адытыўных тэхналогій», навукова-даследчай лабараторыі выпрабаванняў тэкстыльных валокнаў і нітак і электрафармавання нанавалакністых матэрыялаў. Таксама ўдзельнікі семінара-нарады 23 лістапада наведалі лабараторыі ўстановы адукацыі “Віцебскі дзяржаўны ўніверсітэт імя П.М. Машэрава” мастацка-графічнага факультэта, факультэта матэматыкі і інфармацыйных тэхналогій, факультэта хіміка-біялагічных і геаграфічных навук.
24 лістапада 2023 года ў мерапрыемстве прыняў удзел Міністр адукацыі Рэспублікі Беларусь Іванец Андрэй Іванавіч. Ён прадставіў даклад на тэму “Пра стан і задачы развіцця навукова-даследчай і інавацыйнай дзейнасці ў сістэме вышэйшай адукацыі Рэспублікі Беларусь”. Андрэй Іванавіч пазначыў аспекты, на якія неабходна звярнуць увагу пры арганізацыі працы ў навуковай дзейнасці. Адзначыўшы актуальнасць і важнасць вынесеных на абмеркаванне пытанняў, Міністр зрабіў акцэнт на фарміраванне праграм Саюзнай дзяржавы і заклікаў перагледзець падыход да пасоўвання даследчых паслуг на рынку Расійскай Федэрацыі і працы ВНУ галіновых лабараторый. Падчас Рэспубліканскага семінара-нарады дэлегаты правялі прадуктыўны дыялог адносна вырашэння асноўных заданняў універсітэцкай навукі, пазначылі перспектыўныя напрамкі і ўдакладнілі моманты развіцця інавацыйнай дзейнасці вышэйшай адукацыі краіны.
- Войдите, чтобы оставлять комментарии
