14 снежня адбылося адкрыццё I Міжнароднай навуковай канферэнцыі «Інавацыйныя тэхналогіі ў прамысловасці і адукацыі».
Канферэнцыя праводзіцца ўпершыню Палескім дзяржаўным універсітэтам сумесна з Каракалпакскім дзяржаўным універсітэтам імя Бердаха. На адкрыцці I Міжнароднай навуковай канферэнцыі «Інавацыйныя тэхналогіі ў прамысловасці і адукацыі» з прывітальным словам да ўдзельнікаў звярнуліся рэктар Палескага дзяржаўнага ўніверсітэта Дунай Валерый Іванавіч і прарэктар па міжнароднай дзейнасці Каракалпакскага дзяржаўнага ўніверсітэта імя Бердаха Нурымбетаў Цімур Узакбергенавіч.
Праца канферэнцыі пачалася з пленарнага пасяджэння, дзе з дакладамі выступілі:
прарэктар па навуковай рабоце Палескага дзяржаўнага ўніверсітэта, доктар тэхнічных навук, дацэнт Штэпа Уладзімір Мікалаевіч на тэму: «Практыка-арыентаваныя праекты Палескага ў галіне біярэсурсаў і экалогіі»;
дацэнт кафедры «Экалогіі і глебазнаўства» Каракалпакскага дзяржаўнага ўніверсітэта імя Бердаха, доктар філасофіі па біялагічных навуках (PhD) Качкарава Севара Ахмеджанаўна на тэму: «Дынаміка экасістэмы абсохлай часткі дна Аральскага мора ва ўмовах арыдызацыі клімату»;
дэкан біятэхналагічнага факультэта Палескага дзяржаўнага ўніверсітэта, кандыдат біялагічных навук, дацэнт Чашчэвік Віталь Тадэвушавіч на тэму: «Біятэхналогіі як аснова ўстойлівага развіцця Беларускага Палесся»;
дацэнт кафедры Каракалпакскага дзяржаўнага ўніверсітэта імя Бердаха, доктар філасофіі па тэхнічных навуках (PhD) Асаматдзінаў Марат Арынбаевіч на тэму: «Вапнава глінагіпсавая сухая тынкавая сумесь з мясцовых сыравінных рэсурсаў Рэспублікі Каракалпакстан»;
дэкан факультэта эканомікі і фінансаў Палескага дзяржаўнага ўніверсітэта, кандыдат эканамічных навук, дацэнт Ржэўская Таццяна Аляксандраўна на тэму: «Перспектывы рэалізацыі навуковага патэнцыялу факультэта эканомікі і фінансаў»;
дацэнт кафедры Каракалпакскага дзяржаўнага ўніверсітэта імя Бердаха, доктар філасофіі па тэхнічных навуках (PhD) Алланіязаў Гуламжон Шэрніязавіч на тэму: «Распрацоўка рацыянальных структур трыкатажных палотнаў для вырабаў вопраткі, даследаванне іх уласцівасцяў».
Канферэнцыя праходзіць у анлайн і афлайн фармаце, што спрыяе прыцягненню да мерапрыемства большай колькасці ўдзельнікаў. Да публікацыі было прынята больш за 225 матэрыялаў тэзісаў.
- Войдите, чтобы оставлять комментарии
