У Палескім дзяржаўным універсітэце 5 лістапада 2020 года адкрылі «Цэнтр беларуска-кітайскіх міжкультурных камунікацый» у рамках праграмы супрацоўніцтва з Фуцзянскім універсітэтам і ўніверсітэтам Цюйфу. Арганізатарам Цэнтра была кафедра міжкультурных камунікацый пад кіраўніцтвам загадчыка кафедры В.Ф. Жылевіч. Урачыстая цырымонія прайшла пры ўдзеле прарэктараў В.А. Залатаровай і М.Г. Кручынскага, а таксама дэканаў і шматлікіх гасцей свята.
Кітайскі бок у асобе надзейнага партнёра павіншаваў Палескі дзяржаўны ўніверсітэт праз відэазварот, у якім выяўлялася імкненне да далейшага супрацоўніцтва з нашым універсітэтам.
У сувязі з адкрыццём Цэнтра прагучалі цёплыя словы ад А.А. Тозіка, дырэктара Рэспубліканскага інстытута кітаязнаўства імя Канфуцыя Беларускага дзяржаўнага ўніверсітэта і загадчыка кафедры кітайскай філалогіі М.М. Хмяльніцкага.
Ганаровымі гасцямі былі С.Я. Мігелевіч і выкладчыкі Пінскай дзіцячай мастацкай школы ім. Напалеона Орды, дзякуючы якім была падрыхтавана мастацкая выстава з працамі вучняў па выніках конкурсу «Фарбы дружбы: Беларусь і Кітай».
Мерапрыемства ўключала выставу работ Пінскай дзіцячай мастацкай школы ім. Напалеона Орды і Навамышскай дзіцячай школы мастацтваў, чытанне паэтычных твораў сучасных кітайскіх аўтараў, майстар-класы па Іерогліфіцы і вырабе кітайскіх ліхтарыкаў, прэзентацыя па кітайскай філасофіі, конкурсы і віктарыны сярод студэнтаў, якія вывучаюць кітайскую мову.
Асноўная мэта Цэнтра - папулярызацыя кітайскай культуры і прадастаўленне шырокага доступу ўсім зацікаўленым у вывучэнні кітайскай мовы, пашырэнне кругагляду і паглыбленне ведаў па гісторыі і культуры Кітая. У сувязі з адкрыццём новага аб'екта ў пінчукоў пашыраюцца магчымасці для вывучэння кітайскай мовы. Акрамя студэнтаў універсітэта, плануецца набіраць групы школьнікаў і дарослых слухачоў.
Падвёўшы вынікі мерапрыемства, В.Ф. Жылевіч адзначыла, што кабінет стане для студэнтаў-кітаеведаў утульным месцам, дзе можна будзе сустрэць кітайскіх гасцей, сабрацца разам у дыскусійным клубе, кінаклубе, удасканаліць свае навыкі ў кітайскай каліграфіі ў гуртку «Кітайская пісьменнасць» і правесці навуковыя семінары.
- Войдите, чтобы оставлять комментарии
