Важная падзея, прысвечаная павышэнню якасці інжынерна-тэхналагічнай адукацыі ў вышэйшых навучальных установах Саюзнай дзяржавы, прайшла ў Ніжнім Ноўгарадзе з 23 па 27 верасня 2024 г.
У ходзе форуму звыш 600 прадстаўнікоў больш як 100 расійскіх і беларускіх ВНУ інжынерна-тэхналагічнага профілю абменьваліся вопытам у галіне інжынернай адукацыі.
Форум праходзіць у трынаццаты раз, пры гэтым першы раз – у Расійскай Федэрацыі, раней ён праходзіў на тэрыторыі Рэспублікі Беларусь.
На форуме абмяркоўвалася шырокае кола пытанняў, якія датычацца павышэння якасці інжынернай адукацыі. Праца секцый вялася ў некалькіх прыярытэтных напрамках, сярод іх: навукова-тэхнічная і інавацыйная дзейнасць, развіццё інжынернай адукацыі, маладзёжнае інавацыйнае прадпрымальніцтва, кар'ера інжынера і маладзёжная палітыка.
Палескі дзяржаўны ўніверсітэт на форуме прадставілі дэкан інжынернага факультэта – Астранкоў Андрэй Валер'евіч, а таксама выкладчык-стажор кафедры аквакультуры і дызайну экаасяроддзя – Шыкунец Аляксей Барысавіч. Андрэй Валер'евіч і Аляксей Барысавіч прынялі непасрэдны ўдзел у рабоце секцыі "Перспектыўныя напрамкі падрыхтоўкі інжынерных спецыялістаў для высокатэхналагічных галін прамысловасці Саюзнай дзяржавы", дзе з астатнімі ўдзельнікамі секцыі абмеркавалі магчымасці павышэння інтэграцыі навукі, адукацыі і прамысловасці, а таксама перспектывы супрацоўніцтва ВНУ ў навуковым і адукацыйным аспектах.
- Войдите, чтобы оставлять комментарии
