10 лістапада адзначаецца Сусветны дзень навукі за мір і развіццё. Гэтае свята нагадвае аб неабходнасці выкарыстання навукова-тэхнічных дасягненняў у інтарэсах міру і развіцця на карысць чалавечай цывілізацыі, падкрэслівае важнасць і актуальнасць навукі для паўсядзённага жыцця.
Тэматычная кніжная выстава “У імя міру і развіцця” (вул. Пушкіна, 4, навучальны корпус 3, аўд. 3214) прысвечана гісторыі развіцця і станаўленню навукі ў нашай краіне і за мяжой. З кніг, прадстаўленых на выставе, можна даведацца пра адкрыцці і дасягненні айчынных вучоных і вынаходнікаў у розных галінах ведаў, а таксама пра тое, якое прымяненне гэтыя адкрыцці знайшлі ў нашым жыцці.
Палескі дзяржаўны ўніверсітэт ганарыцца сваімі навуковымі дасягненнямі. Тут штогод праводзяцца навуковыя мерапрыемствы (канферэнцыі, круглыя сталы, дыскусійныя пляцоўкі, майстар-класы). У навукова-даследчую дзейнасць, пад кіраўніцтвам кваліфікаваных дактароў і кандыдатаў навук, уцягнуты многія студэнты і магістранты. Навуковы патэнцыял універсітэта садзейнічае паляпшэнню якасці жыцця насельніцтва рэгіёну і краіны ў цэлым.
Віншуем са святам усіх, хто мае дачыненне да навукі і запрашаем наведаць выставу.
- Войдите, чтобы оставлять комментарии
