16 снежня ў Палескім дзяржаўным універсітэце прайшло мерапрыемства па пашыраным аказанні першай дапамогі з удзелам Дзмітрыя Дзмітрыевіча Марозава, кіраўніка Рэчыцкага ваенна-патрыятычнага клуба "Радзіма".
Дзмітрый Дзмітрыевіч расказаў студэнтам інжынернага факультэта аб дзейнасці ўзначаленага ім клуба, а таксама пазнаёміў прысутных з узорамі медыцынскага абсталявання, якое выкарыстоўваецца на занятках. Увазе прысутных былі прадстаўлены сучасныя мадэлі джгутоў і аптэчак, насілкі-валакушы і шыны для фіксацыі пашкоджаных канечнасцяў або шыі, а таксама многае іншае.
Усе ахвочыя змаглі самастойна паспрабаваць адпрацаваць на манекене навыкі непрамога масажу сэрца. Манекен быў дапоўнены спецыяльным індыкатарам, які змяненнем каляровага і гукавога сігналу падказваў, ці эфектыўныя дзеянні навучэнца.
- Войдите, чтобы оставлять комментарии
