15 верасня ў Палескім дзяржаўным універсітэце прайшла прэзентацыя спартыўных секцый для студэнтаў першага курса – падзея, якая стала адпраўным пунктам падрыхтоўкі да Рэспубліканскай універсіяды. З прывітальным словам да першакурснікаў звярнулася дэкан факультэта арганізацыі здаровага ладу жыцця, кандыдат медыцынскіх навук, дацэнт Таццяна Уладзіміраўна Марыніч. Яна падкрэсліла, што ўніверсітэт стварае ўсе ўмовы для заняткаў спортам, дазваляючы кожнаму студэнту знайсці накіраванне па інтарэсах. Асобна было адзначана, што сёлетні спартыўны сезон праходзіць пад агульным заклікам "Насустрач Універсіядзе!", які аб'ядноўвае каманды ПалесДУ ў імкненні да высокіх вынікаў. Аб магчымасцях спартыўных секцый расказаў намеснік начальніка Цэнтра фізічнай культуры і спорту Алег Аляксеевіч Чарвякоўскі. Ён прадставіў расклад трэніровак, трэнерскі склад і напрамкі падрыхтоўкі, заклікаўшы першакурснікаў актыўна ўключацца ў спартыўнае жыццё ўніверсітэта і выкарыстоўваць усе рэсурсы для развіцця сваіх навыкаў.
- Войдите, чтобы оставлять комментарии
