У 2020 годзе быў праведзены Рэспубліканскі фестываль мастацкай творчасці «АРТ-вакацыі» з удзелам студэнтаў устаноў вышэйшай адукацыі, які быў прысвечаны 75-й гадавіне Вялікай Перамогі і Году малой радзімы.
Тэматыка творчых прац: «ТВОРЧАСЦЬ МОЛАДЗІ - СЛОВА БУДУЧЫНІ!».
У рамках фестывалю прайшоў рэспубліканскі агляд-конкурс мастацкіх калектываў, творчых аб'яднанняў студэнтаў, індывідуальных выканаўцаў устаноў вышэйшай адукацыі «АРТ-ВАКАЦЫI».
Рэспубліканскае журы і старшыня рэспубліканскага журы Заслужаная артыстка Рэспублікі Беларусь Ірына Дарафеева адзначылі высокі выканальніцкі ўзровень удзельнікаў калектываў, пісьменную работу педагогаў па фарміраванні канцэртнага рэпертуару, арыгінальныя тэатральныя і харэаграфічныя рэжысёрска-пастановачныя рашэнні.
Творчыя калектывы нашага ўніверсітэта прынялі ўдзел у фестывалі і не засталіся без заслужаных узнагарод!
У намінацыі «Вакальна-харавая творчасць» ( «Ансамбль эстраднай песні») Дыпломам 3 ступені была ўзнагароджана Народная студыя эстраднай песні «Гукі часу», мастацкі кіраўнік Гарбачоўская Вольга Уладзіміраўна.
У намінацыі «Харэаграфічная творчасць» («Тэатр танца») Дыпломам 2 ступені ўзнагароджаны народны клуб аматараў лацінаамерыканскай культуры «Solymar», мастацкі кіраўнік Торансе Дэльгада Іван.
Дыпломам 2 ступені ў намінацыі «Харэаграфічная творчасць» ( «Ансамбль сучаснага танца») узнагароджаны студэнцкі танцавальны калектыў «Sparkle Dance», мастацкі кіраўнік Каваленка Ганна Аляксандраўна.
Дыпломам за ўдзел быў узнагароджаны народны ансамбль эстраднага танца «Альянс», мастацкі кіраўнік Сімаржава Ірына Віктараўна
Віншуем нашых пераможцаў і жадаем ім далейшых не менш значных дасягненняў і перамог!
- Войдите, чтобы оставлять комментарии
