Круглы стол «Канцэпцыя развіцця адукацыі ў галіне культуры ядзернай бяспекі і радыяцыйнай абароны ў Брэсцкай вобласці»

8 красавіка 2021 года адбыўся круглы стол «Канцэпцыя развіцця адукацыі ў галіне культуры ядзернай бяспекі і радыяцыйнай абароны ў Брэсцкай вобласці» ў рамках праекта «Навучанне на аснове перадавога вопыту краін ЕС у галіне радыяцыйнай абароны і культуры ядзернай бяспекі для беларускай акадэмічнай супольнасці» (РАДЫУМ), што фінансуецца Выканаўчым агенцтвам па адукацыі, аўдыёвізуальных сродках і культуры ў рамках праграмы Эразмус +.

 На пасяджэнні прысутнічалі эксперты рабочай групы праекта і прадстаўнікі ўстаноў адукацыі УА«Пінскі дзяржаўны аграрны тэхналагічны каледж», УА«Пінскі дзяржаўны аграрна-тэхнічны каледж імя А.Я. Кляшчова», Пінскі філіял УА «Віцебская дзяржаўная акадэмія ветэрынарнай медыцыны», УА «Баранавіцкі дзяржаўны ўніверсітэт», прадстаўнікі рэальнага сектара эканомікі (ЗАТ ХК «Пінскдрэў», ДЛГУ  «Пінскі лясгас», ДЛГУ «Лунінецкі лясгас», «Мазырскі вопытны лясгас»), аховы здароўя (філіял «Міжраённы анкалагічны дыспансер», УАЗ «Пінская цэнтральная паліклініка»), прадстаўнікі Пінскага гаррайаддзела па надзвычайных сітуацыях, установа «Пінская гарадская ветэрынарная станцыя», РУП «Пінскі цэнтр стандартызацыі, метралогіі і сертыфікацыі», Пінскай гарадской і раённай інспекцыі прыродных рэсурсаў і аховы навакольнага асяроддзя, ТАА «Тэхнапарк Палессе» і прадстаўнік ПРААН Беларусь.

На пасяджэнні быў прадстаўлены праект РАДЫУМ, які рэалізуецца  УА «Палескі дзяржаўны ўніверсітэт» у Брэсцкай вобласці, абмяркоўваліся пытанні падрыхтоўкі кадраў, сучаснага стану і напрамкі развіцця радыяцыйнай абароны і ядзернай бяспекі ў Брэсцкай вобласці і Рэспубліцы Беларусь у цэлым. Удзельнікам круглага стала была прадстаўлена новая спецыяльнасць «Ядзерная і радыяцыйная бяспека», якая будзе адкрыта ў выніку рэалізацыі праекта РАДЫУМ. Падрыхтоўка кадраў па дадзенай спецыяльнасці магістратуры будзе праводзіцца 6 ўніверсітэтамі Рэспублікі Беларусь сумесна з універсітэтамі Еўрапейскага саюза ў рамках унікальнай для Беларусі мадэлі сеткавага ўніверсітэта.

Па выніках круглага стала была адзначана актуальнасць будучай спецыяльнасці ва ўмовах развіцця атамнай энергетыкі і ядзерных тэхналогій у Беларусі, а таксама выказаны канструктыўныя прапановы па ўнясенні змяненняў у адукацыйную праграму магістратуры з мэтай павышэння канкурэнтаздольнасці і запатрабаванасці выпускнікоў магістратуры ў розных галінах эканомікі краіны.