30 студзеня 2023 года на базе УА “Палескі дзяржаўны ўніверсітэт” прайшоў абласны адборачны тур для ўдзелу ў V Рэспубліканскім конкурсе прафесійнага майстэрства па кампетэнцыі “Вэб-дызайн і распрацоўка”. На дадзеным этапе ПалесДУ прадстаўлялі 2 студэнты 3 курса спецыяльнасці “Інфармацыйныя сістэмы і тэхналогіі”. Заданне складалася з таго, што ўдзельнікам неабходна было рэалізаваць старонкі сайта з магчымасцю адаптаванасці пад мабільныя прылады, формай рэгістрацыі і аўтарызацыі, а таксама з раздзяленнем карыстальнікаў па правах доступу. Традыцыйна ў ролі экспертаў журы гэтага конкурсу выступілі кіраўнікі (выкладчыкі) студэнтаў. Па папярэдніх выніках Бойка Павел і Ярашук Уладзіслаў атрымалі заслужаныя 2 і 4 месцы адпаведна. Бойка Павел і яго кіраўнік Клачанкоў Уладзіслаў Андрэевіч прадставяць наш універсітэт на чарговым этапе конкурсу, які адбудзецца ў Мінску ў красавіку гэтага года.
- Войдите, чтобы оставлять комментарии
