21 лютага 2023 года ў межах рэалізацыі “Стратэгіі развіцця навуковай, навукова-тэхнічнай і інавацыйнай дзейнасці ўстановы адукацыі “Палескі дзяржаўны ўніверсітэт” да 2025 года” адбылося сумеснае пасяджэнне Навукова-тэхнічнага савета і Савета маладых вучоных ПалесДУ. У мерапрыемстве прыняў удзел Старшыня Навуковага савета Беларускага рэспубліканскага фонду фундаментальных даследаванняў (БРФФД), дырэктар Выканаўчай дырэкцыі, акадэмік НАН Беларусі, доктар фізіка-матэматычных навук, прафесар Гапоненка Сяргей Васільевіч.
Сяргей Васільевіч пазнаёміў з задачамі БРФФД як дзяржаўнай некамерцыйнай арганізацыі, прадметам дзейнасці якой з’яўляецца фінансаванне правядзення і апрабацыі вынікаў фундаментальных, навуковых даследаванняў, накіраваных на вырашэнне навуковых праблем, звязаных з практычнымі дадаткамі. Адбылася прэзентацыя статыстычных аспектаў атрымання грантаў у розных навуковых сферах, выніковасць асобных інстытутаў і ВНУ, у тым ліку і ПалесДУ, перспектыўныя планы і задачы інавацыйных пошукаў, як у Беларусі, так і ў сусветных маштабах. Асобна акадэмік Гапоненка С.В. спыніўся на тэарэтычных пытаннях выканання навуковых работ з іх трансфармацыяй у атрыманні гатовых камерцыйных прадуктаў; матывацыйных аспектах удзелу маладых вучоных у фундаментальных даследаваннях.
- Войдите, чтобы оставлять комментарии
