12 красавіка ўвесь свет адзначае Дзень авіяцыі і касманаўтыкі - памятную дату, прысвечаную першаму палёту чалавека ў космас. Гэтае свята з 2011 года носіць яшчэ адну назву - Міжнародны дзень палёту чалавека ў космас.
Да гэтай даты ў бібліятэцы падрыхтавана кніжная выстава “Аб таямніцах Сусвету”. Падборка кніг знаёміць з гісторыяй касманаўтыкі, расказвае пра першапраходцаў космасу, пра развіццё касмічнай тэхнікі.
Таксама прадстаўлена літаратура аб космасе, аб гэтым таямнічым і вабным свеце зорак і планет.
Запрашаем наведаць кніжна-часопісную выставу “Пра таямніцы Сусвету”, якая экспануецца ў бібліятэцы навучальнага корпуса № 1.
- Войдите, чтобы оставлять комментарии
