Дзень Перамогі - свята ўсенароднага адзінства, мужнасці, адвагі і нязломнай волі народа. Праходзяць дзесяцігоддзі, змяняюцца пакаленні, але Вялікая Перамога - сімвал нацыянальнага гонару, воінскай славы і доблесці - навечна ўпісана ў гераічны летапіс нашай краіны. Для беларусаў гэта святое свята, даніна памяці, глыбокай пашаны і падзякі савецкім воінам, працаўнікам тылу, партызанам і падпольшчыкам - усім тым, хто набліжаў Перамогу.
Напярэдадні свята Дня Перамогі 3 мая ў чытальнай зале бібліятэкі ў навучальным корпусе №1 адбылася гадзіна памяці “Вайна. Перамога. Памяць", удзельнікамі і гасцямі якога сталі студэнты факультэта эканомікі і фінансаў груп 21Ф-1, 21БД-1, 20Ф-1. Вядучыя мерапрыемствы Мароз Марк і Чупрынская Карына (група 21Ф-1) нагадалі дзяўчатам і юнакам аб падзеях тых страшных дзён вайны, якія адбываліся на тэрыторыі Беларусі. З вялікай цікавасцю госці мерапрыемства слухалі пра гераічную абарону Брэсцкай крэпасці, подзвіг партызан, трагедыю Хатыні і тыя нягоды, якія выпалі на долю маці і мірнага насельніцтва.
Вершы і ўрыўкі з кніг пра вайну, якія прагучалі ў выкананні студэнтаў групы 21Ф-1 Чайкоўскай Анастасіі, Кананчук Дар'і, Радкевіч Юліі, Туміловіч Вікторыі, Свірыдэнкавай Ульяны, Савуліча Аляксея, Шамрыла Юліі, Трусавай Аліны і Хамяк Яны, відэафрагмент падзеях Вялікай Айчыннай вайны зачароўвалі гледачоў, пераносячы іх у той страшны, але значны для гісторыі нашай краіны час. Успаміны "са слязамі на вачах" выклікалі ў гледачоў буру эмоцый і пакінулі глыбокае ўражанне ў сэрцы кожнага з прысутных у зале.
У народнай памяці назаўжды застануцца мужнасць і подзвіг мільёнаў людзей. Дзень Перамогі - гэта свята, якое аб'ядноўвае пакаленні! Пакуль мы памятаем - жывыя героі, якія коштам свайго жыцця ўсталі на абарону сваёй Радзімы!
З Днём Перамогі!
- Войдите, чтобы оставлять комментарии
