Навiны

​​​​​​​25 студзеня 2024 года Вараб'ёва Марыя Міхайлаўна, дацэнт кафедры біятэхналогіі, кандыдат біялагічных навук, дацэнт, старшыня Савета маладых навукоўцаў Палесду, прадстаўнік Савета маладых навукоўцаў пры Міністэрстве адукацыі Рэспублікі Беларусь у рамках правядзення Тыдня беларускай навукі наведала ДУА “Гімназія №1 імя Ф.Я. Перца г. Пінска”.

​​​​​​​У Пінску прайшоў абласны фестываль-кірмаш «Берасцейскія сані – 2024», прымеркаваны да 85-годдзя заснавання Брэсцкай вобласці. Сярод ганаровых гасцей-старшыня Брэсцкага аблвыканкама Юрый Вітольдавіч Шулейка, намеснік кіраўніка Адміністрацыі Прэзідэнта Беларусі Ігар Уладзіміравіч Луцкі і іншыя запрошаныя.

Прыемна адзначыць, што ў вырабе сувеніра, прадстаўленага на фестывалі, прынялі ўдзел супрацоўнікі Палескага дзяржаўнага ўніверсітэта Аляксей Віктаравіч Козыр і Уладзіслаў Юр'евіч Ліхота.

У цырымоніі адкрыцця фестывалю-кірмашу «Берасцейскія сані – 2024», прынялі ўдзел студэнты Палескага дзяржаўнага ўніверсітэта.

​​​​​​​18 студзеня прайшла сустрэча прадстаўнікоў Палескага дзяржаўнага ўніверсітэта і Шаньсійскага інстытута навукі і тэхналогій (Кітайская Народная Рэспубліка). З боку ПалесДУ прынялі ўдзел прарэктар па навуковай рабоце Штэпа Уладзімір Мікалаевіч, начальнік аддзела міжнародных сувязяў Аксёнчык Наталля Уладзіміраўна, спецыялісты па міжнародных сувязях Гао Дунцзе, Кіевіч Е.Л., Джумаліева А. Д. з кітайскага боку прысутнічалі дэкан факультэта дызайну Niu Fujie, выкладчык факультэта камунікацый і медыя Wang Shikai.

​​​​​​​18 студзеня 2024 года старшы выкладчык кафедры эканомікі і бізнесу, старшыня Піскай гарадской арганізацыйнай структуры РДГА «Беларускае таварыства «Веды» І.У. Горыш выступіла перад супрацоўнікамі Пінскага міжраённага аддзела Дзяржаўнага камітэта судовых экспертыз і распавяла аб асноўных зменах у Выбарчым кодэксе Рэспублікі Беларусь і асаблівасцях выбарчай кампаніі-2024.

Лектар падкрэсліла значнасць Адзінага дня галасавання і адзначыла, што ўдзел у выбарах выступае формай рэалізацыі права грамадзян на ўдзел у кіраванні справамі дзяржавы і з'яўляецца атрыбутам развітай грамадзянскай супольнасці. Пад канец выступу слухачы задалі пытанні, якія цікавяць іх і атрымалі на іх вычарпальныя адказы.

​​​​​​​16 студзеня на базе Беларускага дзяржаўнага музея гісторыі Вялікай Айчыннай вайны адбылося трэцяе пасяджэнне Маладзёжнага парламента пры Нацыянальным Сходзе Рэспублікі Беларусь.

У пасяджэнні прыняла ўдзел намеснік старшыні камісіі па пытаннях экалогіі, валанцёрскім руху і ўстойліваму развіццю Моладзевага парламента пры Нацыянальным Сходзе Рэспублікі Беларусь, старшыня Моладзевага парламента пры Пінскім гарадскім Савета дэпутатаў, студэнтка 5 курса біятэхналагічнага факультэта Лазоўская Ганна. За актыўны ўдзел у дзейнасці Моладзевага парламента пры Нацыянальным Сходзе Рэспублікі Беларусь была ўзнагароджана падзякай.

​​​​​​​12 студзеня 2024 года ў Мінску адбыўся прыём ад імя Прэзідэнта Рэспублікі Беларусь Аляксандра Рыгоравіча Лукашэнкі на Стары Новы год. На прэзідэнцкі прыём запрошаны журналісты, палітолагі, артысты, спартсмены, прадстаўнікі розных прафесій і сфер дзейнасці, вышэйшыя службовыя асобы, кіраўнікі дзяржаўных органаў і прадпрыемстваў. У складзе дэлегацыі Міністэрства адукацыі Рэспублікі Беларусь – дацэнт кафедры біятэхналогіі УА «Палескі дзяржаўны ўніверсітэт», дацэнт, старшыня Савета маладых навукоўцаў ПалесДУ, прадстаўнік СМН пры Міністэрстве адукацыі Рэспублікі Беларусь Вараб'ёва Марыя Міхайлаўна.

​​​​​​​У Рэспубліцы Беларусь на рэгулярнай аснове вялікая ўвага надаецца падтрыманню ініцыятыў маладога пакалення, а таксама стварэнню ўмоў для развіцця асобаснага і прафесійнага патэнцыялу адоранай і таленавітай моладзі. Распараджэннем Прэзідэнта Рэспублікі Беларусь №207 рп ад 29.12.2023 «Аб заахвочванні» зацверджана рашэнне савета спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў. У ліку маладых адораных і таленавітых беларусаў, дасягненні якіх адзначаны на высокім узроўні, прысутнічаюць і студэнты УА «Палескі дзяржаўны ўніверсітэт»: