Навiны

​​​​​​​8 красавіка ў рамках святкавання Дня нараджэння ўніверсітэта на стадыёне спартыўнага комплексу ПалесДУ адбылася агульнаўніверсітэцкая зарадка “Студэнты на старце”. Для выкладчыкаў і студэнтаў зарадку правяла студэнтка 2 курса факультэта арганізацыі здаровага ладу жыцця Эвеліна Сярэдзіч. У гэтым мерапрыемстве прынялі ўдзел 120 чалавек. Усе атрымалі зарад бадзёрасці і энергіі, выконваючы комплекс аздараўленчых і агульнаразвіваючых практыкаванняў.

​​​​​​​Паважаныя выкладчыкі, супрацоўнікі, студэнты і выпускнікі Палескага дзяржаўнага ўніверсітэта!

Прыміце віншаванні з днём нараджэння нашага ўніверсітэта!

Шчыра дзякую кожнаму з вас за ўклад у нашу агульную справу, у гісторыю Палескага дзяржаўнага ўніверсітэта, яго сучаснасць і будучыню.

Праца кожнага выкладчыка і супрацоўніка - прыклад адданага служэння вышэйшай адукацыі і навуцы.

Дзякуючы вашаму прафесіяналізму і нацэленасці на вынік ПалесДУ сёння – сучасная ВНУ, якая адпавядае патрабаванням часу і рыхтуе запатрабаваных спецыялістаў па самых актуальных і перспектыўных напрамках.

​​​​​​​3 красавіка ў адміністрацыі СЭЗ «Брэст» адбыліся перамовы з прэзідэнтам кампаніі Zafaran Pharmaceuticals доктарам Хашматам Сеарам Амархаілам.

З боку Палескага дзяржаўнага ўніверсітэта ўдзел у сустрэчы прымалі загадчык кафедры біяхіміі і біяінфарматыкі, кандыдат сельскагаспадарчых навук, дацэнт Глінская Наталля Анатольеўна, а таксама в.а. дырэктара ТАА «Тэхнапарк Палессе» Козыр Аляксей Віктаравіч.

Бакі абмеркавалі перспектыўныя напрамкі супрацоўніцтва ў фармацэўтычнай галіне, развіццё гандлёва-эканамічных адносін, пытанні выкарыстання патэнцыялу Палескага дзяржаўнага ўніверсітэта ў сферы навукова-практычнай дзейнасці і падрыхтоўкі кадраў.

​​​​​​​4 красавіка 2024 года дэкан факультэта арганізацыі здаровага ладу жыцця, к.м.н., дацэнт Марыніч Т.У. прыняла ўдзел з дакладам у вочна-завочнай канферэнцыі “Актуальныя праблемы сучаснай педагагічнай навукі: ад тэорыі да практыкі” (з міжнародным удзелам) на базе Пінскага каледжа ўстановы адукацыі “Брэсцкі дзяржаўны ўніверсітэт імя А.С. Пушкіна», у рамках работы якой сваім досведам падзяліліся прадстаўнікі навучальных устаноў Рэспублікі Беларусь і Расійскай Федэрацыі.

​​​​​​​З 25 сакавіка стартаваў тыдзень факультэта эканомікі і фінансаў, прысвечаны Дню нараджэння факультэта эканомікі і фінансаў. Адкрыла тыдзень урачыстая лінейка, на якой была перададзена ўлада студэнтам, пасля чаго студэнты падарылі яркі флэшмоб.

​​​​​​​27 сакавіка 2024 года выкладчыкі біятэхналагічнага факультэта Палескага дзяржаўнага ўніверсітэта Жур Мікалай Уладзіміравіч і Кульгавеня Аляксандра Дзмітрыеўна, у складзе дэлегацыі з 60 маладых вучоных і аспірантаў ВНУ Рэспублікі Беларусь наведалі Міжнародную выставу-форум «Расія».

​​​​​​​26 сакавіка 2024 года ў Палескім дзяржаўным універсітэце ва ўрачыстай абстаноўцы членскія білеты Беларускай палітычнай партыі "Белая Русь" уручыў намеснік старшыні Пінскага гарадскога аддзялення Брэсцкай вобласці Беларускай партыі "Белая Русь", дырэктар філіяла БрДТУ Пінскага індустрыяльна-педагагічнага каледжа Дубнавіцкі Сяргей Канстанцінавіч. У шэрагі першаснай арганізацыі ПалесДУ ўступілі супрацоўнікі і прадстаўнікі прафесарска-выкладчыцкага складу ВНУ. Прывітаў і павіншаваў новых членаў арганізацыі рэктар Палескага дзяржаўнага ўніверсітэта Дунай Валерый Іванавіч.