З 22 па 26 сакавіка адбудзецца Юбілейная XXХ Мінская міжнародная кніжная выстава-кірмаш (адміністрацыйны комплекс па праспекце Пераможцаў, 14). Урачыстае адкрыццё выставы-кірмашу - 22 сакавіка 2023 года ў 14.00.

Ганаровы госць кніжнага форуму - Расійская Федэрацыя. Пляцоўка: Кнігі з Расіі: чытаем разам.

​​​​​​​У межах Адзінага дня інфармавання Палескі дзяржаўны ўніверсітэт наведала старшыня Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльнаму развіццю Старавойтава Ірына Анатольеўна. На сустрэчы з лідарамі студэнцкага самакіравання і супрацоўнікамі ВНУ была абмеркавана тэма: “80 гадоў трагедыі Хатыні. Вынікі расследавання генацыду беларускага народа ў гады Вялікай Айчыннай вайны”.

21 сакавіка адзначаецца Сусветны дзень паэзіі. Паэзія - гэта, напэўна, адно з самых геніяльных дасягненняў чалавецтва. Выліваць свае пачуцці ў вершаванай форме, захоўваць у рыфме сваё светаадчуванне, марыць пра будучыню і ўспамінаць мінулае, адначасова звяртаючыся да мільёнаў і застаючыся пры гэтым сам-насам з сабой, - на гэта здольная толькі паэзія, найвялікшае з мастацтваў, створаных чалавекам.

​​​​​​​13 сакавіка 2023 года ў канферэнц-зале інтэрната №5 універсітэта з нагоды святкавання Дня Канстытуцыі Рэспублікі Беларусь адбыўся круглы стол “Асноўны Закон Рэспублікі Беларусь”. Мерапрыемства арганізавана і праведзена старшым выкладчыкам кафедры эканомікі і бізнесу Макарушка У.У. пры актыўным удзеле пярвічнай арганізацыі Палескага дзяржаўнага ўніверсітэта Пінскай ГА РГА “Белая Русь”.

​​​​​​​​​​​​​​7 сакавіка ў студэнцкім клубе Палескага дзяржаўнага ўніверсітэта адбыўся святочны канцэрт, прысвечаны Міжнароднаму жаночаму дню. Супрацоўніц і студэнтак універсітэта віншавалі прадстаўнікі маладзёжных творчых калектываў. Яркія нумары ўдзельнікаў канцэрта  дазволілі дзяўчатам і жанчынам адчуць набліжэнне свята і надыход вясны.

16 сакавіка на базе бібліятэкі Палескага дзяржаўнага ўніверсітэта адбылося пасяджэнне метадычнага аб'яднання бібліятэк устаноў агульнай сярэдняй адукацыі г. Пінска, па тэме “Віртуальныя праекты школьных бібліятэк: лічбавыя інструменты, рэсурсы, сэрвісы”.

Бібліятэка запрашае наведаць кніжна-часопісную выставу "Інавацыйная эканоміка", якая экспануецца ў чытальнай зале (вучэбны корпус №1). На ёй прадстаўлена літаратура, у якой разглядаюцца тэарэтычныя і практычныя асновы інавацыйнай эканомікі, класіфікацыя і характарыстыкі відаў інавацый, змест і структура інавацыйнага працэсу, пытанні фінансавання і інфраструктура інавацыйнай дзейнасці, а таксама асвятляюцца праблемы сучаснай інавацыйнай эканомікі.