Навiны бібліятэкi

У бібліятэку Палескага дзяржаўнага ўніверсітэта паступілі  АДУКАЦЫЙНЫЯ СТАНДАРТЫ ВЫШЭЙШАЙ АДУКАЦЫІ

Паважаныя выкладчыкі і супрацоўнікі!
У адпаведнасці з Правіламі карыстання бібліятэкай запрашаем Вас прайсці штогадовую перарэгістрацыю. Для гэтага трэба здаць, ці пры неабходнасці падоўжыць выдадзеныя кнігі, згодна з правіламі карыстання бібліятэкай. Электронны фармуляр можаце паглядзець на сайце ўніверсітэта ў электронным каталогу.
У вас змяніўся хатні адрас, нумар тэлефона, месца працы, адбылася змена прозвішча, пашкоджаны ці страчаны чытацкі білет? Пры перарэгістрацыі паінфармуйце аб гэтым бібліятэкара.
Чакаем Вас!

Лета - цудоўная пара, якая павінна пакінуць у вас толькі станоўчыя ўспаміны і эмоцыі. Гэта не проста адна з часоў года - гэта маленькае жыццё, час асаблівага настрою і падарожжаў.

У чытальнай зале навучальнага корпуса № 3 экспануецца кніжна-ілюстрацыйная выстава «#АдпачывайПадарожнічайПазнавай».
У экспазіцыі прадстаўлена каля 40 публікацый, якія знаёмяць з захапляльнымі турыстычнымі маршрутамі па непаўторных кутках планеты, гісторыяй, прыродай і старажытнымі помнікамі культуры і старажытнага дойлідства, а таксама з культурай, традыцыямі, легендамі і турыстычнымі магчымасцямі нашай Беларусі.
Запрашаем усіх жадаючых!

"Земляробства: раслінаводства, агратэхніка, агародніцтва" - так называецца кніжная выстава, арганізаваная на абанеменце вучэбнай літаратуры (навучальны корпус № 3, к. 3214). На ёй прадстаўлена навучальная, навуковая і навукова-папулярная літаратура, прысвечаная тэарэтычным і практычным пытанням земляробства, раслінаводства і агародніцтва, у якіх разглядаюцца розныя аспекты: тэарэтычныя пытанні, прынцыпы і метады, мэты экалагічнай вытворчасці і перапрацоўкі. Змест прадстаўленай літаратуры раскрывае вопыт развіцця гэтага сектара ў замежных краінах і практычныя вынікі ў Рэспубліцы Беларусь. Запрашаем студэнтаў і супрацоўнікаў універсітэта наведаць выставу.

2 чэрвеня 2022 года былі апублікаваны вынікі 14-га выдання TRANSPARENT RANKING: Institutional Repositories by Google Scholar (June 2022), па якім Рэпазітар Палескага дзяржаўнага ўніверсітэта палепшыў свае пазіцыі і заняў 7 месца ў Рэспубліцы Беларусь і 261 пазіцыю ў сусветным рэйтынгу сярод 4513 рэпазітараў, адкрытых архіваў і электронных бібліятэк. Сярод рэпазітараў Брэсцкай вобласці ён займае 1-е месца.

Паважаныя выкладчыкі, супрацоўнікі і студэнты!
Прапануем Вам азнаёміцца з новымі кнігамі, якія паступілі ў бібліятэку ў МАІ 2022 г.

Прапануем вашай увазе віртуальную выставу «ЛЕТНЯЕ ЧЫТАННЕ» з цыкла віртуальных выстаў пад назвай «Кнігі па сезоне ці… чытаць пададзена!» У ёй бібліятэка прадстаўляе 16 яркіх мастацкіх твораў. У бібліятэчную падборку ўвайшлі класічныя раманы, сучасныя дэтэктывы, і вядома, тут шмат гісторый пра каханне. Усе кнігі знаходзяцца на абанеменце навуковай і мастацкай літаратуры. Добрага вам летняга чытання!

Няхай лета прынясе вам шмат адкрыццяў, прыемных прагулак, нечаканых сюрпрызаў і энергіі!

Кафедра тэхналогій аквакультуры, група 21 ПР-1 з куратарам Баран В.В. выказвае вялікую падзяку бібліятэкару I катэгорыі Клаўдзіі Аляксандраўне Станкевіч за падрыхтоўку і арганізацыю прафесійнага свята нашай спецыяльнасці!

З 23 па 27 мая 2022 года ў Фундаментальнай бібліятэцы БДУ прайшла стажыроўка бібліятэкараў вышэйшых навучальных устаноў Брэсцкай вобласці, у якой ад Палескага дзяржаўнага ўніверсітэта прынялі ўдзел загадчык бібліятэкі Буйніцкая Святлана Валер'еўна і вядучы бібліятэкар Кучынская Ала Карнееўна. Такая стажыроўка была арганізавана ўпершыню Фундаментальнай бібліятэкай БДУ (ФБ БДУ), якая з'яўляецца метадычным і каардынацыйным цэнтрам для бібліятэк ВНУ Беларусі. Ініцыятарам і кіраўніком стажыроўка выступіла намеснік дырэктара па новых тэхналогіях ФБ БДУ Мая Уладзіміраўна Сянько.

Працэс навучання ў ВНУ з кожным годам становіцца ўсё больш дынамічным. Гэта абумоўлена пастаянным развіццём і ўдасканаленнем сістэм атрымання і абагульнення інфармацыі за кошт з'яўлення электронных інфармацыйных рэсурсаў, але друкаваныя выданні не здаюць свае пазіцыі і па-ранейшаму запатрабаваны ў навучанні нашых студэнтаў.

У Палескім дзяржаўным універсітэце выкладчыкі актыўна супрацоўнічаюць з бібліятэкай, праводзяць куратарскія гадзіны ў чытальнай зале, дзе падбіраюць і паказваюць студэнтам перыёдыку, што выпісваецца ўніверсітэтам, навучальныя дапаможнікі па дысцыплінах спецыяльнасці. Такія мерапрыемствы атрымліваюць жывы водгук у студэнцкай аўдыторыі, уносяць разнастайнасць у навучальны працэс, стымулююць да самаадукацыі.