У бібліятэку ўніверсітэта паступілі
Адукацыйныя стандарты вышэйшай адукацыі

З 1 па 30 снежня 2022 г. бібліятэка Палескага дзяржаўнага ўніверсітэта праводзіць Месячнік дыпломніка.

У праграме:

• тэматычная выстава-прагляд падручнікаў і навучальных дапаможнікаў па дысцыплінах спецыяльнасцей, навуковых і перыядычных выданняў, метадычных рэкамендацый па напісанні і афармленні дыпломных работ, статыстычных зборнікаў;

• кансультацыі па пошуку інфармацыі па тэме дыпломнай працы ў айчынных і замежных базах дадзеных, базах уласнай генерацыі, у анлайн-сэрвісе «ilex», электронным каталогу;

23 лістапада 2022 года ва ўстанове адукацыі “Пінскі дзяржаўны аграрны тэхналагічны каледж” адбылася ўрачыстая цырымонія закрыцця трэцяга працоўнага семестра.

​​​​​​​23 лістапада ў Палескім дзяржаўным універсітэце адбыліся Свята-Макарыеўскія адукацыйныя чытанні “Глабальныя выклікі сучаснасці і духоўны выбар чалавека”, прысвечаныя 1030-годдзю праваслаўя на беларускіх землях. Адкрыў канферэнцыю рэктар Палескага дзяржаўнага ўніверсітэта, Старшыня арганізацыйнага камітэта канферэнцыі, кандыдат біялагічных навук, дацэнт Валерый Іванавіч Дунай.

​​​​​​​22 лістапада 2022 года была праведзена прафарыентацыйная сустрэча з навучэнцамі школ і гімназій горада Кобрына. Студэнты і супрацоўнікі ПалесДУ прадставілі старшакласнікам прафарыентацыйны ролік пра ўніверсітэт, расказалі аб спецыяльнасцях сваіх факультэтаў, навуковай і культурна-масавай дзейнасці.

Студэнтка ПалесДУ Лазоўская Ганна прыняла ўдзел у першым пасяджэнні Моладзевага парламента пры Брэсцкім абласным савеце дэпутатаў другога склікання. У склад Моладзевага парламента ўвайшлі 44 прадстаўнікі моладзевых парламентаў, створаных пры гарадскіх і раённых Саветах дэпутатаў.

Студэнты факультэта эканомікі і фінансаў спецыяльнасці “Маркетынг” Андрэйчук Таццяна і Трушко Уладзіслаў у межах рэалізацыі праграмы “Адукацыя і моладзевая палітыка” на працягу двух тыдняў  праходзілі навучанне ў Пензенскім дзяржаўным універсітэце. За гэты перыяд рабяты  пазнаёміліся з гісторыяй універсітэта, выкладчыцкім  саставам і студэнтамі ВНУ. Акрамя таго, прынялі ўдзел у канферэнцыі “Крэатыўны горад”, у ходзе якой ішло абмеркаванне пытанняў стану і тэндэнцый развіцця розных рынкаў (харчовай упакоўкі, fashion-рынку, забаўляльных паслуг, іпатэчнага  крэдытавання, жыллёвага будаўніцтва), уплыў стадый жыццёвага цыкла сям’і на прыняцце рашэнняў аб набыцці жылля, вызначэнне ролі маркетынгу на прадпрыемствах малога і сярэдняга бізнесу і інш.

1 лістапада 2022 года адбылася сустрэча МААП “Бастыён” з прарэктарам Заранка Міхаілам Міхайлавічам. Члены Моладзевага атрада аховы правапарадку абмеркавалі планы далейшага развіцця, узаемадзеяння з МНС, міліцыяй, Дэпартаментам аховы, арганізацыйныя пытанні, а таксама выбралі новага камандзіра. МААП “Бастыён” узначаліць студэнт інжынернага факультэта Максім Борсук.

18 лістапада 2022 года ў фармаце відэаканферэнцыі адбыўся круглы стол на тэму “Беларусь – Кітай: развіццё акадэмічнай мабільнасці студэнтаў” са студэнтамі Яньтайскага ўніверсітэта (Кітайская Народная Рэспубліка), арганізаваны аддзеламі міжнародных сувязей Яньтайскага ўніверсітэта (Кітайская Народная Рэспубліка) і Палескага дзяржаўнага ўніверсітэта.

17 лістапада 2022 года начальнік аддзела выхаваўчай работы з моладдзю Яровіч Аксана Мікалаеўна прыняла ўдзел у фінальным этапе VI Марафону паспяховых практык спецыялістаў па рабоце з моладдзю, арганізаваным кафедрай моладзевай палітыкі і сацыякультурных камунікацый РІВШ пры падтрымцы Міністэрства адукацыі Рэспублікі Беларусь.