Навiны бібліятэкi

У рамках кансорцыума сеткавых электронных бібліятэк Палескі дзяржаўны ўніверсітэт атрымаў доступ да літаратуры іншых ВНУ: дадаткова 57 500 найменняў навучальнай і навуковай літаратуры для выкладчыкаў і студэнтаў па ўсіх абласцях ведаў.

Палескі дзяржаўны ўніверсітэт удзельнічае ў маштабным праекце "Сеткавая электронная бібліятэка" (СЭБ) разам з больш чым 368 расійскімі ВНУ. У рамках праекта ВНУ-ўдзельнікі размяшчаюць навуковы і навучальны кантэнт, выдадзены ўнутры ўніверсітэта, для ўзаемнага бясплатнага выкарыстання.

9 лістапада ў чытальнай зале бібліятэкі вучэбнага корпуса № 3 супрацоўнікі бібліятэкі падрыхтавалі свята ў гонар шанавання 140-годдзя з дня нараджэння вялікага пісьменніка, класіка беларускай літаратуры Якуба Коласа. У літаратурнай гасцёўні “І ўся зямля была яму спадчынай” прынялі ўдзел ліцэісты, навучэнцы 10 “А” класа. Вядучыя мерапрыемства Аксанчук Лілія і Капалейшвілі Ціна пазнаёмілі з жыццёвым і творчым шляхам пісьменніка. Удзельнікі сустрэчы адчулі прыгажосць роднай беларускай мовы, уважліва слухалі цікавыя факты з жыцця Якуба Коласа.

9 лістапада у 10.00 у чытальнай зале навучальнага корпуса №3 адбудзецца літаратурная гасцёўня “І ўся зямля была яму спадчынай”, прысвечаная 140-годдзю з дня нараджэння Якуба Коласа

Паважаныя выкладчыкі, супрацоўнікі і студэнты! Запрашаем вас на выставу-прагляд "Новыя паступленні літаратуры".
З 4 па 11 лістапада ў чытальных залах бібліятэкі будуць дэманстравацца выданні, якія паступілі ў фонд бібліятэкі ў кастрычніку бягучага года.

Паважаныя выкладчыкі, супрацоўнікі і студэнты!

Прапануем Вам азнаёміцца з новымі кнігамі, якія паступілі ў бібліятэку ў верасні-кастрычніку 2022 г.

Палессе. Піншчына. Пінкавічы. Менавіта тут жыў і працаваў амаль на працягу шасці гадоў наш славуты паэт, празаік, драматург і вучоны, адзін з заснавальнікаў сучаснай беларускай літаратуры, народны паэт Беларусі, акадэмік Якуб Колас. 

3-га лістапада  мы будзем адзначаць 140-годдзе з дня нараджэння  пісьменніка. З гэтай нагоды бібліятэка Палескага Дзяржаўнага універсітэта падрыхтавала віртуальную экскурсію «Да юбілею Якуба Коласа. Піншчына».

2022 год у Беларусі праходзіць пад знакам 140-гадовага юбілею вялікіх песняроў беларускага народа, класікаў нацыянальнай літаратуры Янкі Купалы і Якуба Коласа. На абанеменце мастацкай і навуковай літаратуры (навучальны корпус №3, аўд. 3221) экспануецца кніжная выстава «Песняры зямлі беларускай».
Якуб Колас і Янка Купала – выразнікі нацыянальнай самасвядомасці, народных пачуццяў. У сваіх творах яны раскрылі нацыянальны характар, асаблівасці духоўнага складу і жыцця беларусаў, выявілі незвычайную сілу і творчую магутнасць беларускага слова.
Гістарычная заслуга Янкі Купалы і Якуба Коласа заключаецца перш за ўсё ў тым, што яны стварылі сапраўдныя шэдэўры нацыянальнага мастацтва і тым самым узнялі беларускую літаратуру да ўзроўню перадавых літаратур свету.

Прапануем вашай ўвазе кніжна-часопісную выставу “Эканоміка працы”, якая арганізавана ў чытальнай зале бібліятэкі (навучальны корпус №1).
Эканоміка працы як навука вывучае працоўныя рэсурсы краіны і іх выкарыстанне, метады павышэння прадукцыйнасці, арганізацыю і нарміраванне працы, праблемы арганізацыі і аплаты працы, фарміраванне попыту і прапановы на працоўныя месцы, узаемадзеянне суб'ектаў занятасці, кіраванне працай на прадпрыемстве, якасць жыцця працуючага чалавека, аналіз працоўных паказчыкаў. Без яе вывучэння немагчыма нармальнае функцыянаванне прадпрыемстваў. Для практычнай дзейнасці ў эканоміцы працы важна ведаць шляхі вырашэння цэлага шэрага пытанняў. У гэтым дапамогуць матэрыялы, прадстаўленыя на экспазіцыі.
Запрашаем усіх жадаючых!

Што трэба, каб стаць прадпрымальнікам? Як абраць сваю галіну і дзе ўзяць грошы на старт? Якое імя даць бізнэсу? Як знайсці аднадумцаў? Як дабіцца поспеху ў кар'еры, бізнесе, асабістым жыцці, творчасці? Адказы на гэтыя пытанні можна знайсці ў кнігах, анансаваных у віртуальнай выставе "Паспяховы бізнэс".
10 матывуючых кніг дапамогуць вызначыцца з жыццёвымі мэтамі, паверыць у сябе, скласці пакрокавы план любых перамог, падкажуць, з чаго пачаць і падтрымаюць ваш унутраны настрой.

Падводзім вынікі анлайн-віктарыны “Якуб Колас на Пінскім Палессі”. У сярэдзіне верасня бібліятэка прапанавала прыняць удзел і адказаць на 25 пытанняў пра жыццёвы і творчы перыяд народнага пясняра Беларусі падчас працы на Піншчыне. Усе пытанні на наш погляд простыя і даступныя. За гэты кароткі час вырашылі праверыць свае веды 43 удзельнікі, з якіх 23 паспяхова адказалі на ўсе пытанні, а 20 па нейкім прачынам толькі азнаёміліся з віктарынай.