Навiны бібліятэкi

У 1983 годзе 18 красавіка ЮНЕСКА аб'яўлены Міжнародным днём аховы помнікаў і гістарычных мясцін. Яго галоўнай мэтай з'яўляецца прыцягненне ўвагі грамадскасці да праблемы захавання помнікаў гісторыі і культуры. Да гэтага дня ў чытальнай зале аформлена тэматычная выстава "Вялікая спадчына стагоддзяў". На выставе прадстаўлены ілюстраваныя выданні, у якіх апісваюцца аб'екты на тэрыторыі Беларусі, уключаныя ў Спіс Сусветнай спадчыны ЮНЕСКА, аб унікальных гістарычных месцах нашай краіны, а таксама кнігі, уключаныя ў камплект выданняў "Гістарычная памяць".

Выстава арганізавана ў чытальнай зале бібліятэкі (навучальны корпус №3 аўд.3332).

6 красавіка святкуецца Міжнародны дзень спорту на карысць міру і развіцця. Здаровы лад жыцця, фізічная і інтэлектуальная актыўнасць з'яўляецца залогам нашага ўсеагульнага працвітання і дабрабыту.

Прапануем вашай увазе віртуальную выставу «О, спорт! Ты - мір!». Чытанне мастацкай літаратуры з сюжэтам спартыўнай тэматыкі - занятак займальны.

Паважаныя выкладчыкі, супрацоўнікі і студэнты!
Прапануем Вам азнаёміцца з новымі кнігамі, якія паступілі ў бібліятэку ў САКАВІКУ 2022 г.

Ландшафтная архітэктура - гэта мастацтва адкрытых прастор. У адрозненне ад іншых відаў мастацтва, асновай кампазіцыі твораў ландшафтнай архітэктуры з'яўляецца прырода: разнастайная расліннасць, рэльеф, зямля як асяроддзе для развіцця расліннасці, камень і дрэвы як матэрыял для архітэктурных элементаў, вада ў спакойным стане і ў руху, паветра як элемент прасторы і глыбіні перспектывы.

Дзень абароны Зямлі - нагода задумацца аб лёсе нашай планеты. Бо імклівае развіццё навукова-тэхнічнага прагрэсу, хуткі рост прамысловасці і вытворчасці ў 20 і 21 стагоддзях не мінулі бясследна. Актыўная гаспадарчая дзейнасць чалавека прывяла да забруджвання навакольнага асяроддзя. Вырубка лясоў, забруджванне паветра выкідамі вытворчасцей і аўтамабіляў, атручэнне водных рэсурсаў прамысловымі адходамі, знішчэнне многіх відаў жывёл, рыб, птушак, радыяцыйныя забруджванні - усё гэта забівае нашу планету. Паўсюдная здабыча карысных выкапняў ператварае зямлю ў бясплодную пустыню. Вялікую небяспеку для ўсяго чалавецтва ўяўляюць: глабальнае пацяпленне, лясныя пажары, азонавыя дзіркі і інш.

24 сакавіка 2022 г. Нацыянальная бібліятэка Беларусі праводзіць бясплатны семінар "Інфармацыйныя рэсурсы Віртуальнай чытальнай залы Нацыянальнай бібліятэкі Беларусі ў дапамогу выкладчыкам і студэнтам".

На семінары будуць разгледжаны магчымасці электронна-бібліятэчнай сістэмы “ЮРАЙТ” – сучаснага рэсурса, на якім прадстаўлены навучальныя курсы і падручнікі ад вядучых універсітэтаў па ўсіх спецыяльнасцях і напрамках падрыхтоўкі, а таксама медыяматэрыялы, інтэрактыўны фонд ацэначных сродкаў і розныя сэрвісы для выкладчыкаў.

З 21 сакавіка па 21 красавіка 2022 г. бібліятэка Палескага дзяржаўнага ўніверсітэта праводзіць Месячнік дыпломніка.

У праграме:

• тэматычная выстава-прагляд падручнікаў і навучальных дапаможнікаў па спецыяльнасцях, навуковых і перыядычных выданняў, метадычных рэкамендацый па напісанні і афармленні дыпломных работ, статыстычных зборнікаў;

• кансультацыі па пошуку інфармацыі па тэме дыпломнай працы ў айчынных і замежных базах дадзеных, базах дадзеных уласнай генерацыі, у сістэме «ilex», электронным каталогу;

• кансультацыі па афармленні бібліяграфічных спісаў літаратуры і спасылак да дыпломных прац.

Месца правядзення:

23–27 сакавіка 2022 года ў павільёне Нацыянальнага выставачнага цэнтра "Белэкспа" пройдзе XXIX Мінская міжнародная кніжная выстава-кірмаш. Урачыстае адкрыццё - 23 сакавіка ў 12:00. У Год гістарычнай памяці, абвешчаны ў 2022 годзе ў Беларусі, цэнтральным стэндам мерапрыемства стане "Рака часу Бацькаўшчыны".

Традыцыйная Мінская міжнародная кніжная выстаўка-кірмаш аб'яднае ўсіх, хто любіць кнігу, чытае, піша, выдае, на свяце з ключавымі мерапрыемствамі, прысвечанымі ролі кнігі ў вывучэнні, захаванні і папулярызацыі гістарычнай спадчыны беларускага народа.

Што пачытаць гэтай вясной? Прапануем вашай ўвазе віртуальную выставу «Вясновы КНІГАварот» з цыкла віртуальных выстаў пад назвай «Кнігі па сезоне ці… чытаць пададзена!»
Увесну кожны чалавек асабліва востра адчувае сябе часткай прыроды. Прачынаюцца сілы прыроды і жыццёвыя сілы людзей. Гэта той самы час, каб любіць і чытаць кнігі, ён натхняе на перамены і стварае асаблівы настрой лёгкасці, радасці быцця і веры ў лепшае. Паэтычныя радкі пра вясну і прозу таленавітых творцаў сугучныя настроям кожнага.
Уладкуйце сабе вясновы настрой з дапамогай добрай кнігі, прапанаванай у нашай падборцы.

15 сакавіка 2022 года да Дня праваслаўнай кнігі бібліятэка арганізавала сустрэчу студэнтаў груп 21 ММТ і 21 УІП з протаіерэем Віктарам Сачкоўскім. Святаром была закранута тэма сям'і і сямейных каштоўнасцей. Актуальнасць гэтай тэмы абумоўлена заўважнай дэградацыяй сям'і ў сучасным грамадстве. Разбураюцца каштоўнасныя асновы сям'і, зніжаецца аўтарытэт бацькоў, разрываецца сувязь пакаленняў. Святар раскрыў паняцці кахання, вернасці з пункту гледжання Святога Пісання. Простыя, здавалася б, паняцці ў наш час нярэдка перакручваюцца, шматлікія маральныя нормы ставяцца пад сумневы. Падчас гутаркі нашы студэнты і госць абмяркоўвалі пытанні пабудовы і захавання сям'і, разважалі аб каштоўнасцях кахання, аб урачыстасці шлюбу, аб разводах.