Навiны

Віншуем кандыдата біялагічных навук, дацэнта кафедры біяхіміі і біяінфарматыкі біятэхналагічнага факультэта Ільючык Ірыну Анатольеўна з прысваеннем вучонага звання дацэнта па выніках экспертызы Прэзідыума Вышэйшай атэстацыйнай камісіі Рэспублікі Беларусь ад 17 красавіка 2024 года.

​​​​​​​З 8 па 14 красавіка старшы выкладчык кафедры фізічнай культуры і спорту Наталля Вітальеўна Карогвіч і асістэнт кафедры фізічнай культуры і спорту Ірына Міхайлаўна Беспразваных праходзілі стажыроўку ў г. Каломна Расійскай Федэрацыі ў Дзяржаўнай адукацыйнай установе вышэйшай адукацыі Маскоўскай вобласці "Дзяржаўны сацыяльна-гуманітарны ўніверсітэт".

​​​​​​​Віншуем старшага выкладчыка кафедры фізічнай культуры і спорту Дронаву Веру Міхайлаўну з узнагароджаннем Граматай Рэспубліканскага цэнтра фізічнага выхавання навучэнцаў і студэнтаў за шматгадовую добрасумленную працу ў сістэме адукацыі, высокі ўзровень педагагічнага майстэрства, а таксама за актыўны ўдзел у арганізацыі і правядзенні рэспубліканскіх спаборніцтваў, якія праводзяцца РЦФВС.

​​​​​​​12 красавіка адбыўся візіт у Палескі дзяржаўны ўніверсітэт дэлегацыі Альянсу эканамічных і камерцыйных саветнікаў у Кітаі на чале з генеральным дырэктарам ТАА «Zhongsheng ShangYuan Technology» Чжу Янь Цы, праектнага менеджара ТАА «Zhongsheng ShangYuan Technology» Ван Кунь У і перакладчыка-кансультанта ТАА «Zhongsheng ShangYuan Technology» А.І. Царыка.

​​​​​​​11 красавіка ва ўсім свеце адзначаецца памятная дата - Міжнародны дзень вызвалення вязняў фашысцкіх канцлагераў. Яна ўстаноўлена ў памяць аб інтэрнацыянальным паўстанні вязняў канцлагера Бухенвальд, які адбыўся 11 красавіка 1945 года.

​​​​​​​12 красавіка ў ліцэі ПалесДУ прайшлі адзіныя ўрокі, прысвечаныя Міжнароднаму дню палёту чалавека ў космас. У фокусе абмеркавання - першыя заваёўнікі космасу, першы касманаўт суверэннай Беларусі, уклад нашай краіны ў сусветную касмічную гісторыю, выкарыстанне "касмічнай" інфармацыі, навуковая праграма беларускага касманаўта. У рамках урокаў навучэнцы разам з класнымі кіраўнікамі глядзелі відэасюжэты, працавалі ў групах, адказвалі на пытанні віктарыны.

​​​​​​​7 красавіка 2024 года ў горадзе Мінску адбыўся фінал гульняў «Адрэналін. Вышэйшая ліга». Студэнт 1 курса факультэта арганізацыі здаровага ладу жыцця Курмільцаў Канстанцін удзельнічаў у трох дысцыплінах і атрымаў перамогу.

​​​​​​​8 красавіка ў рамках святкавання Дня нараджэння ўніверсітэта на стадыёне спартыўнага комплексу ПалесДУ адбылася агульнаўніверсітэцкая зарадка “Студэнты на старце”. Для выкладчыкаў і студэнтаў зарадку правяла студэнтка 2 курса факультэта арганізацыі здаровага ладу жыцця Эвеліна Сярэдзіч. У гэтым мерапрыемстве прынялі ўдзел 120 чалавек. Усе атрымалі зарад бадзёрасці і энергіі, выконваючы комплекс аздараўленчых і агульнаразвіваючых практыкаванняў.

​​​​​​​Паважаныя выкладчыкі, супрацоўнікі, студэнты і выпускнікі Палескага дзяржаўнага ўніверсітэта!

Прыміце віншаванні з днём нараджэння нашага ўніверсітэта!

Шчыра дзякую кожнаму з вас за ўклад у нашу агульную справу, у гісторыю Палескага дзяржаўнага ўніверсітэта, яго сучаснасць і будучыню.

Праца кожнага выкладчыка і супрацоўніка - прыклад адданага служэння вышэйшай адукацыі і навуцы.

Дзякуючы вашаму прафесіяналізму і нацэленасці на вынік ПалесДУ сёння – сучасная ВНУ, якая адпавядае патрабаванням часу і рыхтуе запатрабаваных спецыялістаў па самых актуальных і перспектыўных напрамках.

​​​​​​​3 красавіка ў адміністрацыі СЭЗ «Брэст» адбыліся перамовы з прэзідэнтам кампаніі Zafaran Pharmaceuticals доктарам Хашматам Сеарам Амархаілам.

З боку Палескага дзяржаўнага ўніверсітэта ўдзел у сустрэчы прымалі загадчык кафедры біяхіміі і біяінфарматыкі, кандыдат сельскагаспадарчых навук, дацэнт Глінская Наталля Анатольеўна, а таксама в.а. дырэктара ТАА «Тэхнапарк Палессе» Козыр Аляксей Віктаравіч.

Бакі абмеркавалі перспектыўныя напрамкі супрацоўніцтва ў фармацэўтычнай галіне, развіццё гандлёва-эканамічных адносін, пытанні выкарыстання патэнцыялу Палескага дзяржаўнага ўніверсітэта ў сферы навукова-практычнай дзейнасці і падрыхтоўкі кадраў.